متضايقة يابنات وبفضفض لكم

السلام عليكم
انا متضايقة جدآ من زوجي وودي تشورون علي بحل كما تعودت منكم أنا من الشخصيات المرحة واللي احب أجدد خصوصآ في علاقتي بزوجي.
قبل فترة طلبت من موقع مخدة واشياء خاصة بالعلاقة
قلت لكسر الروتين وكذلك طلبت لانجري غرييييب لكنه حلوووو يجنن علي
وأرسلت لزوجي رسالة اني انتظره ومسويه جو
لما جا وشاف المخدة عصب وقال ما احب هالامور مالها داعي وانتي دايمآ تعصبيني وتحبين المشاكل
وشاف اللانجري علي وكملت العصبية ما ارتاح الا لما رميته بالزبالة.
والله منعت نفسي من البكاء كنت مقهوووووورة جدآ
مافي تقدير ولا شكر بس تحطيم وانتقادات
يقول لي تغيرتي
قلت له التغيير مطلوب وانا انسانة احب التجديد
انا لي مشاعر واحبك من حبي لك ابي اخلق اجواء حلوة بيننا.


لكن ظل معصب وغاضب مني وانا احاول اطيب خاطره.
لما صحيت يوم ثاني حسيت اني لسه مجروحة وبكييييت بروحي.
ولمت نفسي اني حاولت اراضيه بالرغم انه اسلوبه جدآ جارح ونقده لاذع
الآن انا تركت اللهث خلفه وخلاص ماعدت مثل قبل ما اتجمل ولا انتظره
لكن لما يطلبني ما اتمنع لأجل الله سبحانه وتعالى
لاني اخاف الله. وقد سمعت حريم يقولون ان هالنقطة هي نقطة ضعف الرجل
يعني لما تزعل الحرمة من زوجها وتتمنع عنه يتأدب ويعمل لها الف حساب
بس انا ولا مرة سويتها لاني ما احب اعصي ربي لأيآ كان
وهو عارف مع انه مايستاهل
واحيانا كثيرة لما يزعل يستخدم هو ذا العقاب ويهجرني.


معليه طولت عليكم اعذروني
لكن انا مو عارفة كيف اتصرف معاه. بالله افيدوني
روحي مجروحة ومتألمة قلبي انكسسسسر الف
مو بسبب هالموقف بس لكن هذا اخر موقف
من عدة مواااقف سابقة وكل مرة اقول بقوي قلبي وشخصيتي بتصير اقوى
لكن للاسف مو شايفة نتيجة اشفق على نفسي
واخاف على نفسي ومشاعري وكثرة همي وحزني
أبي حل لعله يكون مجدي مع زوجي