متضايقه

السلام عليكم ورحمه الله .. 
في البداية أحب أقولكم اني أحبكم في الله ياشعب حواء جدد يعني انبسط بس أشوف ردودكم الطيبه وكني جالسه مع خواتي الله يرزقكم الجنه ..وياجعل أيامكم كلها سعاده ..  
طبعا أنا بحكي لكم مشاكلي وأتمنى القى الحل الشافي عندكم والله يشرح صدوركم في حل مشاكلي :( 
أنا عمري 18 بنت طيبه وعلى نياتي >هذي مشكلتي :( وحساسه جدا والحمدلله مظهري يعطيني الثقه 
وقت الطفوله كنت هاديه جدا ومدلعه وأي شى أصيح عليه لأني وحيده أهلي آللحين لااا عندي إخوان صغار ،،  
في المتوسط كنت البنت الدافوره بالمدرسه وكنت مرحه واحب الاجتماعات والحفلات ،،  
لكن من دخلت الثانوي تغيرت حياتي من إلى :( 
يعني مادري كيف أوصف لكم لكن صرت وحيده وكآيبه أحس الناس تمل مني وتكرهني ،،حساسه وأكتم زعلي بعدين أعصب على أي شى ،، 
^وفجأه لإحضو كلمه فجأه مرضت بالرهاب الاجتماعي صرت أكرهه كل شى وسبب هالمرض جاني القولون العصبي وماعاد أعرف أتعامل مع الناس ودائما إراقب تصرفاتي واقيمها مع أني كنت جريئه و أحب الدراسه :( يعني نفسيتي صارت زفت ومستواي نزل بسبب الرهاب :( :( :( 
المهم يوم بثاني ث زادت مشكلتي واللللله العظيم مأجربت طعم السعاده ولأ الراحه واغبط اللي عايشين ومبسوطين 
صحيح في ناس مريضين ومعاقيين لكن لما أفكر أنا وش أفرق عنهم ؟ بالعكس يمكن هم مرتاحين نفسيا .. 
لدرجه وصلت لحاله مارد ع التفلون تخيلوا ! بعضكم يمكن يضحك لكن اللي جربت الرهاب صدقوني بتحسس كأنها بسجن بصمتها والدنيا كلها سودا بعينها الله يكفيكم منه ويشفيني :( 
في ثاني ث تعرفت على ثلاث بنات بالفصل كانو هاديين بالبداية علاقتنا حلوة وكنت أسولف لهم بدون خجل وافرح معهم لكن يآليت يحبوني كثر ماحبهم :( 
كانو يتجنبون يجلسون معي واذا غبت يقولونها بوجهي ترا مافقدناك هذا غير السؤالف والكلام مع غيري ومعي حتى كلمه شكرا ماتطلع لي :( يعني مادري البلاء فيهم ولآ فيني :( ! عاد أنا حساسه وبعدها تضايقت من ذا الشى قوه :( 
آللحين أنا بثالث ث وغيرت مدرستي ((وقبل أروح للمدرسه أخذ دواء للتوتر وبان مفعوله لكن ماأقدر أقول خلاص شفيت ))
وحده من صديقاتي أيام المتوسط مدحتها لي بصراحه المدرسه عجبتني والمعلمات طيبين 
لكن صديقتي هاذي كانت تعرف وحده وعلاقتها حلوة معها وقالت لصديقتي مانبي أرين معنا ! حتى قبل ماتشوفني واليوم داومت ماسلّمت علي ولآ حطت عبنها بعيني ؟؟؟ ليييه يآربي أنا وش سويت بحياتي :( 
المشكله الأكبر أن صديقتي صارت تمشي معها وتسولف وتضحك وتسفهني وصارت تتجنب تكلمني ؟؟؟ وييين وعدها لي وانها ماراح تخليني بدونها ؟؟ الفسحه جلست لحالي بالفصل يوم رجعت صديقتي كانت جايه لي أنا فرحت بعدين قالت إذا ودك تغيرين الفصل عادي غيري ؟ قلت ماعرف أحد قالت عادي في بنات وتعدد أسمائهم ؟؟ 
أنا هينا ضعت !!! أحس حياتي تزداد للأسوء 
بنات الفصل كلهم شايفين حالهم ونظراتهم لي بشفقهه ! ليه بعد :( 
لكن مع كل هذا عاملت الكل بأخلاقي وحاولت أبين أني سعيده ومافيني شى 
بعدها رجعت البيت وصحت :( أكثر شى يقهر أن أمي تزعل أكثر مني إذا شافتني حزينه وآنا أحاول مابين لها لكنها لإحضت علي :( تمنيت الموت وآلللله ،،أبي أعيش حياتي مثل غيري أحب وا نحب أبي انبسط وألقى صديقات أعتبرهم خواتي :( 
وش السببب ليه وصلت لذا الحاله ؟؟ وآلله أني أكتب لكم ودميعاتي تبط بط :( :( :( :( 
وللعلم ترا حالتي الدينيه ممتازه ومداومة على قراءة القرآن ولله الحمد ..