السلام عليكم ورحمة الله و بركاته
كيفكم يا بنات ان شاءالله انكم بأفضل حال
بدخل في موضوعي
من وانا صغيره كانو الاهل مسميني لولد خالي
كبرنا وكبر المسمى معنى حبينا بعض عشان الاهل اربطونا في بعض لما اروح بيتهم اعرف من نظراته ولهفته بالسؤال عني وتعليقاته ومزحه هالكلام بعد ماتغطيت عنه طبعا ماكنت ارد عليه بس يعلم الله قلبي يخفق له 💔 ودايم يوصل لي سلامه مع اخته والامور طيبه
هو صديق اخويا الروح بالروح العايلتين مرتبطين ارتباط شديد جدااا وكأننا بيت واحد
جا اليوم الموعود وجا خالي وزوجته وخواته واخوانه والبيت كله لطلب ايدي من ابوي وبنفس الوقت ابوي فاتحهم بموضوع انه يبي بنتهم لاخوي وتم الاتفاق
ونجلس انا وبنت خالي نخطط من وين نشتري فساتين الخطوبه واي كوفيرا بنحجز لان بيكون في ليلة وحده الفرحة مو سايعتنا حنا الاربعه
خالتهم اعترضت وجتهم تبكي وانها تبي هالبنت لولدها وان ولدها متعشم فيها وكلام كثير لايحيب ولا يودي
والام ماتقدر ترد طلب اختها لانها كبيره بالسن وحلفت لو ماخذت البنت راح تقاطع اختها ليوم الدين
طبعا مارضت ع زعل اختها راحو فركشو خطبة اخوي واعتذرو من ابوي ابويا عصب وفركش خطبتي من ولدهم 💔
انكسرت وانكسر قلبي
حاولو في ابويا لايربط الموضوعين سوا قالهم دام بنتكم عندكم بنتنا عندنا وانتهى الموضوع
انتم اهنتونا والجماعه كلهم عارفين بهالخطبه وفشلتونا قدام العالم وابديتو كلام الحرمه وطلبها علينا رغم اننا خاطبين بنتكم قبل
شافو ما من ابوي فايده راحو خطبوً من جماعة خالتهم ووافقو وتمت الملكة والزواج وكل شي وانا اللي بحرقة قلبي يحسبون اهلي ماهمني لاني موضحه لهم هالشي لكن مادرو اني احترق من جواتي
هالكلام من ٢٠ سنه 💔💔💔
بعدها ب٣ سنوات خطبني قريبي والحمدلله عشت معه احلى ايام العمر فيه مشاكل لازم كل بيت هي ملح الحياة
المهم زوجة ولد خالي صارت تتقرب مني وتكلمني وتسأل عني وخشيت معها عادي الحرمة ماسوت لي شي
وحمله من حملاتنا صادف حملنا سوا هيا قبلي بشهر ولدت ولاقدرت اروح لها لاني بنهاية الثامن وبيتهم درج صعبه علي الطلعه
لما ولدت انا جتني بس تأخرت جتني بعد ماولدت بشهر
وقالت لي لو بكيفي ماجيت لكن فلااان هو اللي يزن ع راسي روحي لها روحي باركي لها المولود روحي زوريها وكل يوم يسألني كلمتيها تبين اوديك لها اليوم وهو اللي جاب الكيك والهديه
انا انصدمت والله معقول للحين انا في باله؟
ولما اروح اسلم ع خالي يطلب ولدي ويتصور معاه
المهم انا عشت حياتي
والان انا حامل واليوم قمت ع حلم غريب اني متزوجته كيف ماعرف؟!
والله اني احب زوجي و اولادي مو عارفه هذا من هرمونات الحمل ولا ايش مع اني شايلته من بااااااالي ولا افكر فيه خلاص كلن راح بنصيبه وربي يوفق الجميع
بس قمت متضايقه ابكي ليش احلم فيه وهو اساسا مو في بالي لييييش وربي تعبت نفسياااااا
وعلى فكره كل بين فترات متبااااعده احلم فيه بس مو مثل حلم اليوم نكد علي وضيق صدري
متنكده قسسسم بالله
طولت عليكم كثيييييير بس اعتبروها فضفضه وبدون تجريح رجاءً انا ابي تدعو لي ان ربي يفك ضيقتي ومستغربه ليش يجيني بالحلم💔💔💔
كـ رائحة المطر @k_rayh_almtr
عضوة جديدة
يلزم عليك تسجيل الدخول أولًا لكتابة تعليق.
هيووشه
•
جد الشيطان يوهمك ان ولد خالتك يحبك عيشي حياتك ي قلبي وشيلي كل الافكار السيئه من راسك واذا ع الاحلام تعوذي من ابليس
حديث نفس لاتلتفتين لذا الحلم ولا تضيقين صدرك ترى الشيطان حريص انه يدخل الحزن لقلب المؤمن ويوهمك ان ولد خالك باقي يحبك ويفكر فيك حاولي تغيرين جو عشان يروح اثر هالحلم اطلعي تمشي لو بالسيارة وارجعي ،، اللي بينكم صار ذكرى قديمة مو اكثر ،،حديث نفس لاتلتفتين لذا الحلم ولا تضيقين صدرك ترى الشيطان حريص انه يدخل الحزن لقلب المؤمن ويوهمك...
👍👍 صادقه وعلشان يضيق عليك الشيطان ذكي يقول ما فيه مجال الا اجيها عن طريق الحلم فلا تلتفتي له
مناريتا
•
عادي طنشي كل هالاوهام ولا تعطينها بال واقطعيها حتى لو كان ولد خالك صادق الحركات هذه كلها ماراح يستفيد منها شي والأحلام اللي تجيكي عنه طبيعي انك قاعده تفكرين فيه انو ليش يسوي كذا وايش يبغى ؟ وايش يقصد؟ ومن هالافكار والتساؤلات اللي تجيكي لهالاشياء لا تعطينها بال لانو محد مستفيد بشي وحتى لو قاصد هي فترة بسيطة وبعدها اجباري راح يرجع لوضعه الحالي زي ماقلت محد بيستفيد شي اهم شي اقطعي تفكيرك وتفسيراتك لتصرفاته
الصفحة الأخيرة
ترى الشيطان حريص انه يدخل الحزن لقلب المؤمن
ويوهمك ان ولد خالك باقي يحبك ويفكر فيك
حاولي تغيرين جو عشان يروح اثر هالحلم
اطلعي تمشي لو بالسيارة وارجعي ،، اللي بينكم صار ذكرى قديمة مو اكثر ،،