متضايقه

السلام عليكم
مدري وش فيني احيانا احس اني متضايقه مره لدرجةٍ مقدر انوم واحس اني حساسه ع اي كلمه احد يقولها واحيانا احس ماعندي احد في الحياه مدري ليش الحين انا حامل ومن علمت امي تضايقت اني حملت قلت يمكن شالت هم اني انفس عندها مع العلم ان ولدي الي قبل منفسه في بيتي لانها قالت مالنا خلق ازعاج اطفال ومافينا حيل وقوه على مساعدتك احس شايله هم الولاده والنفاس وشايله هم الاجازه الي باخذها من الدوام اني احتاج فلوس ويكون الي عندي خلص وشغالتي سافرت بجيب بالشهر والله يعيني غالين والله وزوجي لو اموت ماساعدني دايم يقول ماعندي فلوس وتعبت ابي اخذ اجازه من الدوام بس ماراح يعطوني الحين … مدري ليش جالسه اكتب لكم الحين بس متضايقه واحس ان مالي احد في ذا الدنيا
وامي تبي اذا ولدت احط استقبال في المستشفى وزوجي رافض عشان حالات كورونا زادت ولا ادري من ارضي ولا ادري وش التصرف الصحيح
يارب هون مابقى علي من حملي وسهل ولادتي وابعد عني وعنكم كل ضيق يارب والله يسخر لي ولكم