متضايقه

انا والله مدري من وين ابدى شوفو اذا المشكله مني قولولي زوجي عنده استراحه واغلب وقته فيها مايجينا مهمل وحاط كل الشغل علي والمسؤوليات حتى البيت معدوم والله العظيم كل يوم ادعي محد يجيني عشان مايشوفونه كان مفروش مشمع والعمال حطو غرا اعدمو البيت كامل حسبي الله عليهم المشمع قعد حول اربع سنين وماعد صار ينضف معي مهما مسحت ولمعت لاني ساكنه في منطقه دايم يجينا غبار وكان لونه بني غامق وتقطع وخاصه من تحت الكنب محفر ومعدوم وتشجعت قلت بسحب الكنب وبشيله خلاص طفشت منه وكل يوم تنضيف ماينضف لما رجع زوجي انصدم يقول عني لعابه انو جديد ومايستاهل وهو يفشل حتى تعبت وانهد حيلي وانا اشيله بعدها قلتله جيب اللي يشيل الغرا وسكين وحاولت وماانشال كويس وانا عندي ربو من زمان انكتمت وقلت ماعد بجيه وجلست ازن عليه يشوف حل وراح جاب بنزين بريال يجرب انشال جهه من السراميك بس خلص وقلت خلاص توبه منه كيف لو احترق البيت بسببه لان ريحته فاقعه وانتشرت بالبيت قال مامعك حل الا كذا وكلمت امي ارسلتلي تنر عندهم حلو تقول يشيله بثواني وحاولت فيه وطنش ماعد جاب شي والسراميك من حق زمان الي فيه مربعات ذهبيه ماعد احد يسويها والجدران تفشل يبيلها بويه يضحك علي يقول كل شهر بسويلك بس يبي يسكتني حتى كنبي قديم صارله سنين ماعد ينضف قلتله جيب ستاره رول لون رصاصي لاني مخططه انجد الكنب رصاصي فجأه جاب لون سماوي وركبها ماعد قدرت اتكلم 😭😭 ياناس جنني حتى كنب مجلس الحريم اخترت شكل وجاني غير وبدون خداديات وقلت يكلمهم قال خلاص وصل 😞 كنت بشتري طاولات واضبطها بس انسدت نفسي حتى نفس القماش قلب لونه واحنا مانجلس فيها واذا تكلمت يقول انتي مايعجبك شي !
والله العظيم اني انسانه متواضعه وبسيطه ولاادور الغالي اشتري على قد فلوسي بس هو مايهتم ان منظر بيته يكون مرتب حتى الاوراق والاوساخ يرميها قدام الباب اتعب وانا البس عباتي واطلع اشيلها عشان مانتفشل مع الجيران والمدخل دايم يكب فيه شاهي كم مره اقوله لايكب ولايوسخ بس مايفهم لدرجة زمان كنت ابكي من حركاته ويرجع ويسويها 😭
انا ادري الرجال فوضه بس مو مثله هو احس مايحب النظافه لما يشوفني اكنس او ارتب يقول المكان نظيف وتنظفين خلاص عاد
بنات ابغى بيتي مرتب ونظيف وجديد بشكله بس هو مو قاعد يساعدني 😭 والله ماابالغ ماقلت شي الا اعاني منه هو صغير مره مايبيله شي بس الي عندي يقول اني مدلعه وبس اطلب لا والله فشله يجون عندي سلفاتي وهو كذا هم زمان ماجوني بس اكيد بيجي يوم ويجون عندي 💔 ودي اصورلكم عشان لاتجي وحده تلومني شكله يجيب المرض تقطع المشمع مع الغرا ومسك بالسراميك مو راضي يطلع معي وتعبت وخليته اعطوني حلول اذا عندكم تكفون 😭
بتقولون ليش انعدم في بيوت لها سنين تقعد البويه جديده بقولكم صح هذا الي يحطون الشي الاصلي زوجي حط بويه وجه واحد بس لو احد من عيالي رمى لعبه انحفر المكان 💔 حتى البيبان حاط حواجز تحت الي يجي عندي مايشوفها يطيح وقلتله يشيلها وعيا يقول هي الي تمسك الباب عشان لايطيح🥴
اعطوني حل انا بفرش مشمع خلاص لان هذا ماراح يشيله من السراميك وش احط لون جربت الغامق وتعبني وافكر بالفاتح بس هو ماراح يجيب من النوعيه الي كويسه بغيت منه زمان يقول غالي يعني برجع اخذ من الي يتقطع والله يعيني احافظ عليه بس ابي اغير البويه قبل تعبت وانا اكلمه كل يوم
اقترحو علي لون الكنب سماوي ماراح ينفع بينعدم الستاره لو شلتها بيقول عني لعابه اخخ بس الله يعيني حتى البرد ذبحنا ولا جابلنا دفايه ولاعندي الا سجاد صغير مره ف الصاله يادوب يكفينا اذا بنجلس ناكل وهو اصلا مادته زفت قلت شكلي ببيع بناجر بنتي وانجد الكنب بس مدري وش الالوان الي تتحمل سنين اي شي نحطه ماعد يغيره زوجي على اني اكره البني بس شكلي لو تيسرت بنجد بني هو الوحيد الي يتحمل
فضفضه جزء من حياتي