متضايقه جدا.. زوجي مُصاب بمرض وخايفة على حياتنا معه

السلام عليكم ورحمة الله..عيدكم سعيد حبيباتي وكل عام واحنا بخير وسلام وصحه وراحة بال♡♡
انا نزلت موضوع من فتره ان زوجي طيب وكريم ويخاف الله وماشفت منه الا كل خير ومعاي منه بنت وولد ربي يخليهم
وانه شاء الله وصار عليه حادث ودخل غيبوبه لمدة سنه ونصف تقريبا والحمدلله رب العالمين صحى وصار طيب وعارفني انا وعيالي ولازال يحبنا ولا يرضى بشي يكدرنا
ومافيه الا العافيه الا انه اصيب بمرض ع قول الاطباء يسمى الذهان بسبب الضربه اللي تعرض لها وصار يعطونه ادويه مضاده لمرض الذهان ولله الحمد زوجي تصرفاته طبيعيه ومالاحظت عليه اي تصرفات غريبه بس اعوذبلله مدري انا قريت عن المرض وجدا يكون الشخص خطير ع اهله وع الناس بصفه عامه وعايشه حاله رعب صرت اخاف منه واخاف ع عيالي يليت اللي جربت وشافت شخص معاه هالمرض كيف حياتهم وكيف يتعاملو معه؟؟؟؟


مع انه كاسر خاطري والله جدا زوجي مسالم ومايحب المشاكل وجدا حنون علينا ومالاحظت عليه اي خلل بس من قريت عن المرض وانا مو مرتاحه حتى هو صار ملاحظ علي هالشي وسألني البارح ليه اتعامل معه بجفاء وهل انا خايفه منه او اني صرت مااحبه والا ايش قصتي طبعا بكيت وماقدرت ارد عليه بكلمه بعدين جلس يهديني وقالي مارح اسألك بس اكتبيلي رساله قولي كل شي فقلبك واي قرار تتمنيه رح يكون والله مارح ازعل عليك ورح اتفهمك اللي مرينا فيه مو سهل وقالي بيروح عند اهله يجلس معاهم يومين حتى تهدأ نفسيتي واقدر اقرر انا ايش مشكلتي معاه بضبط
والله مو عارفه ايش اقول ماودي اجرحه واقول اني اخاف ع حياتي وحياة اطفالي منك
بنات ايش اقول وكيف اتصرف وهل اطلب الطلاق منه او اكمل والله العظيم حالي صعب😭
زوجي فلحادث كانو ٥اصيب زوجي واحد معه
و٣الباقي ماتو الله يرحمهم ويسكنهم الجنه وزوجي متأثر بموت اصحابه بس يحاول يخفي حزنه عشاني وعشان عياله وهذا اللي مخوفني زياده اخاف من كثر مايكتم حززنه ينفجر😢