متضايقه جداً من شقتي أرجوكم انصحوني

السلام عليكم اخواتي
فيه موضوع منغص علي
في البداية اقلكم على وضعي انا متزوجة من سنتين زوجي طيب وابن حلال متفاهمين ولله الحمد ما أقول مثالي لكن يشهد الله انه مو مقصر ماديا ومعنويا الماهد حسب استطاعته يقدم،،
سفرني شهر عسل ماشاء الله تركيا والعام سوا جمعيه وسافرنا ماشاء الله ماليزيا يقعد يخطط لها وينسق من بدري ويدور عروض طيران مناسبه ونسافر ايام دراسه لانه وظيفته إجازاته مو مع المدارس ونطلع هنا بمدينتنا كل أسبوعين تقريبا مطعم ولا بر مو مقصر من هذي الناحية راتبه نعمه من الله تسعه آلاف بس كأي شاب قروض الزواج عليه لمدة ستة سنين. ويجتهد هو بدخول الجمعيات وتنسيق المصاريف عشان يوفر للجانب الترفيهي ماشاء الله .
ايام زواجي واحد قريب لزوجي عنده عماره وكانت عنده شقة مستودع عاملها فوقتها اقترح على زوجي يستأجر عنده وهو ابن حلال ومخفض علينا الإيجار والشقة كمساحة عاجبتني اربع غرف كبيرة وصالة كبيرة 5*7 لكن متعبتني بشكل بويتها والأسقف البوية معتقة مره حاجه قديمة ألوانها بنيات تغم النفس والأسقف دمار مرقعه سبعه ألوان وديكورها القديم الي وردة كبيرة بالنص وحزام من الطرف واللون يا بنات شي يتعب النفس طبعا ما عندي إضاءات خافتة او سبولايت مجالسي نظام قديم الي نجفتين وبينهم مروحة بالنص والسقف حاجه تبكي ملون ثلاث درجات بني و كاكي وبيج مررره بشع :icon33: أهلي وهم بيتهم اقدم ومسوينه من عشر سنين ديكورات نازله واضاءات خافته والمجالس فقط نجفه كبيرة بالنص والإضاءة تجي برام تخففينها وتقوينها بنات فاهمين علي كله ذا ببيتي ما في
انا حامده ربي على نعمه بس تخيلوا بيتي نفسه البويات والأسقف مره قديمه من اول زواجي من يوم حطوا أهلي الدبش حسيت فيهم رجعوا عادي ما فيهم انبهار بشقتي اسئلهم كيف الأثاث يحكوني عادي بس تعرفون لمن ما يكون الشي عاجبهم وشايفينه عادي جداً وانا مره أحب الترتيب والديكورات وتناسق الألوان ومن اول زواجي تصادماتي انا وزوجي بسبب وضع البيت قلتله كيف قبلت به قال عاد هذا الي صار الرجال تجمل علي مقدرت أقله شي لمن أعطاني الشقة كذا اصبري انتي بس، اقترحت عليه نغير احنا شي بسيط يقولي ما عندي إمكانية واحنا مستاجرين وفلوسي مني مضيعها على بويات وخرابيط ببيت إيجار انتي اصبري بس، قلتله أتحمل البويه بس شوف لي حل للأسقف قال تكلف واحنا ممكن خمس سنين او اقل وننقل بس تخلص قروضي اشوف لنا شقة تمليك وساعتها تصممينه على كيفك وتأثثينه زي ما تحبي ونقل من الشقة أبدا ما يفكر للان السعر لقطه على قوله ومساعده كثير

الان مشكلتي الحالية شهر ستة بيستلم جمعية عشرة آلاف اتخدع فيه زبطلي البيت يقول نسافر ونشم هواء افضل مخطط نسافر دبي بها وانا اعششششق السفر بس بيتي متعب لي نفسيتي للان عجزت اتقبله وربي احس بنقص عن كل الي حولي حتى الي ساكنين ببيوت إيجار زيي اشوف بيوتهم ارتب من كذا،، أقله بس خمسه آلاف اضرب الأسقف بويه ابيض وادهن الجدران ساده يقلي حتى ذي بتكلف اكثر اصبري كم سنه بنات مره تعبانه من وين أجيب الصبر الحمد لله على نعم ربي الكثيرة بس ما في وحده ما تتمنى بيت مرتب أنيق على ذوقها ما ابى فله ولا شي مبالغ فيه بس ابى منظر متناسق يعجبني معاي حق بطلبي ولا لااااا انصحوني وأتقبل كل الآراء