متضايقه حيل ياليت تحسوا وماتجرحوا😪

اليوم كنت بالمستشفى تعبانه وكان زحمه وجلست مع الحريم وكانوا يسولفون وانا جالسه بينهم شوي سولفوا اللي جنبي معي وشاركتهم الكلام وشوي سألتني اللي جنبي عندك عيال😪قلت لا / وانقلبت الجلسه كلها كلام موجهه لي ونصايح ويصبروني <<<ماني محتاجه كلامهم كله عارفته😰
والمصيبه كلهم صارو يوجهون لي الكلام والمحزن اكثر يقولون احمدي ربك انتي مرتاحه حتى اذا جاء رمضان تصومين وانتي مرتاحه لاازعاج عيال ولا شي هدوء قلبي اوجعني من وصفهم وانا اتمنى يجي رمضان وانا حامل وبداخلي اتمنى اعيش هالازعاج بكل تفاصيله بس يجي حبيبي👶 ومستعده لتعبه المهم قلت يااختي قولي الحمد لله وسكت شوي وحده تسولف عن التبني😪تلمح لي وتقول ان فيه ناس تبنوا وانفتح لهم باب خير /

المتاخرات بالحمل يعرفون كل شي كل اللي يفكروا فيه واللي قالوه اي متأخره تعرف يعني المتاخره حريصه تبحث عن العلاج عن كل شي مو معقول تنتظر وصفات الناس او تصبيرهم لها ياليت
نظرتهم للمتأخره تتغير

وطبعا صعبه اسكتهم كلهم بكيت من تحت الغطاء دموع من غير صوت ووحده تطالعني ماشالت عينها قالت كم لك سنه قلت كثير قالت كم يعني وقلت لها.... وقامت تقولي ماعليه ياختي فيه ناس تصبر اكثر قلت ياختي عادي انا عايشه حياتي الحمدلله وراضيه الحمدلله كأني شكيت لها وجالسين يطالعوني كأني اشغلتهم ويدعون لي والله فرحت بدعوتهم بس ادعوا بسركم مو لازم تسمعكم المتاخره تدعون
لاتجرحون المتأخره والله العظيم اني راسي يألمني من كثر البكاء دايما النظره للمتأخره كانها
جايه من كوكب ثاني وغصب الا يبون يقنعونك انهم شايفينك مرتاحه وهم كذابين اي راحه
اللي تقولي عنها تعالي /نتبادل الادوار والله ماتسمينها راحه تسمينها عذاب..

بنات اذا شفتوا متاخره لاتصبرونها الا اذا فضفضت لكم وطبعا مستحيل تفضفض لاي احد
ولا تقولوا انتي يالمتاخره مرتاحه
وين الراحه بنات ارجوكم عاملوا المتاخره وكأنها
مخلفه تجاهلوا موضوع انجابها هذا شي خاص فيها وسولفوا عادي ترا تتعبونها نفسيا فوق تعبها

شكرا لكل من قراءت موضوعي
دعواتكم 😪