السلام عليكم
حابه افضفض لكم قصتي
انا تربيت ف بيت امي كانت قاسيه عليا ماكنت اقدر اكون صداقات ممنوع اروع ممنوع اجي تجرحني دايم بالكلام والحمدلله اتحملت المسؤوليه من صغري وشخصيتي قويه مااضعف واستسلم بسهوله اكتم بنفسي كثير وماعندي احد اقدر اشتكي له تزوجت والحمدلله و عندي اطفال زوجي انسان طيب بس مشكلتي معاه الضروف الماديه هو انسان غير منظم حياته عشوائيه جدا غرق نفسه بديون الله عالم فيها تعبت حيييل لااروح ولا اجي تمر شهور وشهور مانزلت السوق زي الناس ولا اعرف اش يدور بالعالم الخارجي تشرق الشمس وتغرب وانا محبوسه بين اربع جدران كل مااقوله خلينا نطلع يطلع الف حجه وحجه رغم انه مايجلس بالبيت دايم يطلع مع اصحابه لان طبعه اجتماعي جدا وانا بالطقاق فيني والله تمر ايام وشهور مااروح الا بيت اهلي واهله فقط ولا عليه عايش حياته انا تعبت وانخنقت عيالي صغار انام واصحى وانا ع صراخهم تعبت تعبت مافي اي احد يساعدني وكل اللي حولي عايشين لنفسهم فقط ماحد درا عني لدرجة وانا بالاربعين كنت اطبخ لنفسي تخيلوا؟؟ وحده مريضه طالعه من ولاده تدخل المطبخ عشان تسد جوعها رغم ان اهلي واهله بخدمهم بس الزمن تغير والناس صارت همها نفسها بس كل اللي حولي من اهلي واهله موظفات يعني بمشاغلهم ومهم فاضين لي زوجي من كثر هم الديون وقل الماده صاير عصبي ومايبغى كلمه واذا ناقشته يقولي انا اخرج عشان انسى انتي تذكريني طيب من حقي الفت انتباهك ان في غيرك يعاني مصكوك عليه لايروح ولايقدر يشتري شي مع اني اوقات كثيره اسكت واقول يابنت اصبري بكره يتحمل المسؤليه وتتحسن الاحوال احيانا اقول اروح بيت اهلي لما يحس ع دمه ويعزنا زي غيرنا بس اتذكر امي وتضجرها ابطل امي ماتتحمل الاطفال والازعاج ابد تجي من دومها تبغى ترتاح كيف بتتحمل ازعاج عيالي وزوجي مايجلس بالبيت بنفجر من الوحده مليت من شغل البيت وحوسة العيال انخنقت ادعوا لي يابنات اتوظف واشيل نفسي واعزها واحتك بالعالم الخنقه والوحده والحاجه ذبحتني الحمدلله ع كل حال مجرد فضفضه لااكثر
ولاتجيني وحده تقولي اتوظفي مالقيت وظيفه رغم اني جامعيه بس حسبي الله ونعم الوكيل حتى المدارس الاهليه مافيه

لايوجد-جديد @layogd_gdyd_1
عضوة جديدة
يلزم عليك تسجيل الدخول أولًا لكتابة تعليق.

صعبة المشاعر
•
عندي لكي الحل هو وظيفة حضانة اطلب من الجيران الاحواليك يحطون اولادهم عندك بشهر 300 وبكذ تجميع فلوس تتمشي وتسوقي اهم شي العزيمة والارادة والله مافي مشكلة في هذه الدينا الا له حل صدقين الناس الاغنياء بدواء من الصغر حتى وصلووحققوا اهدفهم وبعد ماتكثر عند الفلوس اشتري العاب حطيها في الحوش والا في السطوح مثل المرجيح وبكذا توظفي وانتي جالس في البيت وعند اولادك .


حنـٱنْ :
هيا يااالله تتحمل اوﻻدها باقي تتحمل أوﻻد الناس :confused:هيا يااالله تتحمل اوﻻدها باقي تتحمل أوﻻد الناس :confused:
فكرت فيها قبل مااجيب ولدي بس بيتي ثلاث غرف وذحين مع الصغير ماراح اقدر اتحمل


ولهآنه
•
كسرتي خاطري والله
لاتشتكينن للنااااااااس ابدن ابدن ابدن
عندك رب رحيمم غفووورر راح ان شاء الله يدبر امرك ويعزك لامذله ولاغيرها
بس اشكيله ادعي وابكي
الله يفرج همكم
اختك /ولهآنه
لاتشتكينن للنااااااااس ابدن ابدن ابدن
عندك رب رحيمم غفووورر راح ان شاء الله يدبر امرك ويعزك لامذله ولاغيرها
بس اشكيله ادعي وابكي
الله يفرج همكم
اختك /ولهآنه
الصفحة الأخيرة