متضايقه مرره منه

لا يا بنت الحلال مين قال إن الزوج يقول كل شي لزوجته !!
الرجل بطبيعته غامض وحتى لو قال مرة أو مرتين بيسكت بعدين وبيتكتم
خليه على راحته بيقول لك أهلاً وسهلاً .. مابيقول لك لا تشغلين بالك
أبداً السالفة ماتسوى تزعلين عليها حبيبتي
خليه على راحته ومتى مابغى يجي يقول لك
أسئليه بس اذا جا بيطلع وين بتروح ؟! إذا جلس يلف ويدور قولي أوك خذ راحتك وعلى هالحال
لما يبدأ يتكلم معك وين يروح أو وين يجي
لا تشغلين بالك والأهههههم لا تقارنين نفسك بغيرك يعني فلانة يقول زوجها لها كل شي وأنا لا
أنتبهي
الله يسخره لك ويوفقك
دعواااتك

اسعدك الله ويسر امورك والله مايعجبني اقارن لكن غصب عني بطبيعتي كانثى تحب ان زوجها يرد ع اسئلتها ومايطنشها انا حتى الراتب عيا يقولي كم لكن الراتب بسبب موقفي معاه لاني غلطت وقلت اقل منك بالراتب ويعطون زوجاتهم وانت تدقق ع الحبه والله يسخرهم لنا ومن جد زوجي غامض معي بس لكن مع اخوياه يقعد بالساعات يسولف معاهم وحتى مع اهله وانا زيه مااقوله اي شي الااللي يفيد وكلامي مو كثير معاه حتى هو دايما يقولي ليه ماتسولفين لكني ع الاقل اجاوب اذا سألني والله يعين 

ترى كل الرجال كذا انا بعد زوجي نفس الحاله بس ما اشغل نفسي بهالامور لانها بتجيب مشاكل لحياتنا. لو تزاعلنا على هالموضوع وش خلينا للمشاكل الكبيره لا تدوري وراه وخلك زيه مطنشه بكره يمل وما يلاقي غير صديق يفضفض له بس انتي اثبتيله انك قد هالصداقه والعشره لا تملليه منك عومي على عومه تعيشي

عادي ترى فيه كثير كذا بس لا تفكرين بالموضوع لان زوجك يحب الخصوصية ومن حقه وانا شفت من قرايبي مستحيل يقول سوالف خوياه لاهله يقول الحريم مايكتمن شيء لانه مجرب يوم سولف على زوجته راحت قالت لوحدة وتفاجئ ان فلان عنده خبر من زوجته قالت له ومنها بطل يسولف على زوجته ... والله يااختي انا عن نفسي مااحب الرجال اللي كل سالفة يقولها لزوجته تدرين ليش لان الاغلبية اشوفها تجلس عند الحريم وتسولف والحريم ينقلونها كرهت هالطبع ان شاء الله انك بعيدة عن هالاشكال ...والزوجة الذكية حتى لو جلس زوجها يسولف عليها المفروض ماتبين للناس ان عندها خبر وهذا افضل لها حتى زوجها يثق فيها خوذيها مني وانتي بالمقابل سوالف اهلك الخاصة لا تذكرينها له والله يااختي من تجربة اخواني يثقون فيني لاني مستحيل اسولف لاحد حتى لو عندي خبر ... ماقلت هالكلام الا اني ابغاك تستفيدين ... ولا تكدرين خاطرك يا احلى وردة بالتوفيق

الله يعينم
دعواتك لي بتيسير زوجي