متضايقه من البارح وبكيت لين كرهت البكا يارب لك الحمد

مدري وش جاني
أحن لطفل اضمه من يوم جابت زوجة اخوي ولد بسم الله عليه ويحفظه ربي من كل مكروه وانا حرقة الامومه تلسعني
طول يومي شايله هالنونو واحس نفسي مكسوره واي طفل اشوفه باي مكان احس في داخلي يصرخ يقول عطوني اياه

صرت اهوجس يمكن قربت انجن لدرجة ان كل ما طلعنا نتمشى بالبر ولا باي مكان او نمر جنب مسجد عيوني ما تنشال من على الارض اقول يمكن احصل كرتونه فيها طفل وربي لاربيه واحن عليه اكثر من امه

الحمد لله انا ما انكر كرم ربي رزقني بولد واحد الحين يدرس ثاني ابتدائي ربي يخليه ليه ويعافيه ولا يحرمني منه يارب ويرزقني باخ او اخت له كمان بعد معاناة 4 سنوات جبته والحين بدت المعاناة مره ثانيه

مشكلة العقم عندنا من زوجي مره الحيونات صفر معدومه مره 7 مره اكثر ومره اقل اكثر نتيجه عملها كان فيها الحيونات 20 الف بس

والي يقهرني اني اسوي له الخلطات بيدي ومتعبه روحي بالمنتديات ادور له علاجات ولا يستمر عليها ويطنش ويقلي ربك كريم صحيح ربي كريم بس انت اسعى بالعلاج ياخي اهتم شوي حسسني انك تهتم لمشاعري لكن اشوفه يتحمس اذا زعلت وهاوشت ويتعالج اذا هديت يرجع يتكاسل ويطنش

قهرني وربي قهرني

حتى التمشيات صرت اكرهها من هافلكره الي براسي اتمشى معهم جسد بس وعيوني تدور على الضنا وقلبي مكسور واحسني من امس خلااااااص ماني قادره اتحمل شي حتى هو زوجي احسني زعلانه منه ومخبيه حزني وزعلي

ولدي يسالني كل فتره متى تجيبين لي اخو العب معه مثل خالتو وعمتو ما شاء الله العيله عندنا اغلبهم حوامل الي تزوجو قبلي والي بعدي

والي يحز في نفسي يوم اروح ازور وحده والده يسالوني هاه ما حملتي باقي احسني اموت ولا اسمع هالكلمه كانه بكيفي احمل او بيدي


نفسي احمل ونفسي اراجع بعيادات الحوامل نفسي يعطوني مواعيد ويعملون لي سونار وتوريني الدكتوره حركاته نفسي انتظر بلهفه موعد اروح اشوف وش نوع الجنين نفسي ادخل على اهلي وانا شايلته ونطلع لبيتنا وهو معي

طفشت من حركات تصنع الامومه مع عيال الناس ابغى ابطل هاللعبه بس ما قدرت احس هالنقطه تذلني واكذب على نفسي ونا شايله طفل غيري وارضعه من الرضعه او اسوي له حليب او او او

وربي احساس قاااااتل يارب لك الحمد واستغفرك اني كنت من الضالمين

اسفه اخواتي ابغى افضفض احسني لو ما فضفت لكم ماكان ابرتاح من هالشعور الي ماسكني :44: