متضايقه من اهل زوجي

السلام عليكم

احس اني مكتومه و ضايق خلقي و مو قادره اشتكي لحد .. انا احب اهل زوجي و احترمهم .. و هما طيبين و ما عليهم كلام .. بس الحين ضايقه منهم و صعب علي اواجههم .. لاني رحت الحج السنه و تركت الاولاد عند امي ، و اكتشفت ان طول فترة الحج ما اتصلوا في اولادي و لا سألوا عنهم .. مع اني والله العظيم اصارحهم و كل زوجي ما يكلمهم اطلب منهم يتصلون فيهم و يسألون عنهم -خصوصا ان الاولاد يسألون عنهم- .. و لما رجعت و سألت ليش ما اتصلتوا فيهم هاذول اولادكم قالوا انشغلنا .. بالله هاي حجه ؟ .. يعني شو فيها لو رفعو السماعه خمس دقايق كل يومين او ثلاث .. امي ما قصرت كانت تتصل فيهم عشان الاولاد يكلمونهم من عندها بس الشغاله ترد و تقول هم مو فيه -و فعلا يكونون خارجين

و من بعد الحج و زوجي يصر ان يوصل امه اكثر من قبل -انا ما عندي مانع لاني دايما احط نفسي محلها في المستقبل- بس والله ضايقه من الي صار .. احسهم ما اهتموا بالاولاد -مع اني متأكده انهم يحبونهم- اصلا من زمان احس ان اهتمامهم مش ذاك الزود -يمكن طبيعتهم كذا- بس يحز في خاطري لما اشوف اولادي يموتون في اهل ابوهم و هما مش هاك الزود معاهم

شو اسوي ؟