متضايقه من حالتي المزريه ,, اخخ منك ي بيتي

رفع لعيووونك

لازم تتنشطين لوتعودتي على الحركه والسرعه راح تحسين براحه صدقيني مدام ماعندك اطفال بالعكس المفروض تخلنها جنه وانتي فاضيه ماعندك شي تسوينه روحي حطي الاملايبس بالغساله وروحي المطبخ وغسلي الصحون وسويلك حلى وزينيلك قهوه تعودي وعودي نفسك وبخري بيتك وعطريه

ياحبيبتي معضمناكنامدلعات في بيت اهلنا ومخدومات بس من تزوجنا تعرف الوحده وش لها ووش عليها عادي مدام ماعندك عيال قومي متىماتبين افطري اشربي كفي على طول اغسلي الحمام شغلي الغساله روحي الصاله اكنسي مسحيها المطبخ الصحون وانتي تطبخين غسلي اول باول عشان ماتتراكم خلصتوغداءادخلي ياحلوه على طول غسليها لاتعطين نفسك مجال تتكاسلين امسحي الفرن امسحي الارض وانتهينا غرفتك اول ماتصحين من النوم رتبي الفراش دايركت
تخيلي طبو عليك ضيوف فجاءه وش شعورك وقتها ترضين يقولون عنك رله ووصخه وترى زوجك بعداكيدينقدعليك بنفسه ويقارن بين بيتك وبيت اهله او بيت اخوانه
وترى والله ماياخذمنك كل اللي ذكرت ساعتين فقط من 24ساعه

نفس حالتك اول ماتزوجت
صابتني صدمة حضارية
لدرجة تصدقين اذا خلصنا الاكل اقوم واخليه على بالي بيجي احد يشيل وراي
عادي حبيبتي كلنا مرينا بهالحالة باول شهرين ثلاثة بعدين تعلمنا نرتب وننظم وقتنا واشغالنا
اول شي واهم شي اصحي بدري
بورك لامتي في بكورها
اول مايطلع زوجك للداوم ضفي البيت كله وارمي الغسيل بالغسالة وجمعي المواعين بالمجلى
حطي ديتول معطر بسطل وخذي فوط صغار وامشي عالبيت كله امسحي ونفضي
ثم اكنسي الارضيات وامسحيها
وارجعي للمطبخ غسلي المواعين والطاولات والارضية
اتركيه ينشف وروحي تكرمين للحمام غسليه ولمعيه
و هب
تلقينك خلصتي
بيتك نظيف مرتب يفوح نظافة وانتعاش
بخريه وطلعي غسيلك من الغسالة انشريه او حطيه بالنشافة
ولو تطلين بساعتك تلقينك ماخذتي ساعتين على قولة الاخت
وهونيها على نفسك
اشتري صحون بلاستيك. ونشافة. وغسالة صحون. وثياب زوجك ارسليها تكوى برا
جيبي شغالة بالساعة تنظف لك مرتين بالاسبوع
لاتتهاونين بهالامور وانتي توك عروسة
ترا الرجال يسكت يسكت
بس عند اقل موقف بينفجر ويجيب الاولي والتالي
وانتي بتسوين هذا كله عشان نفسك وبيتك ونفسيتك قبل لايكون عشانه
موفقة

اهم شيء اتركي النت والتلفزيون والجوال والله ما خربنا الا هي ولما تخلصين اشغالك ارجعي لها

وكمان احيانا الواحد يبدع مع المدح يعني خلي زوجك يشجعك