متضايقه من حقدها علي بهالشكل

السلام عليكم مبارك عليكم الشهر وجعلكم من صيامه وقيامه

انا فيني صيحه ودي ابتسي:sad: ادري الموضوع مايستاهل بس متضايقه حدي من ذي الانسانه

السالفه انوا احنا مجموعه زميلات وصديقات كنا بالجامعه وسوينا قرووب المهم ذا البنت اول يوم بالجامعه سوت فيني موقف بايخ طبعا انا كنت جديده على قسمهم وجيت عندها هيوثنتين معها قلتلها لو سمحت انت بقسم كذا ابيك تدليني على مكان القاعه وطالع فيني وتموت من الضحك انا استغربت وعدت الكلام مره ثانيه قلت يمكن مانتبهت وطالع فيني وفي صديقاتها وتموت ضحك قلت لها انا اسالك ردي ماردت ورحت اتوضاء وجلست تعلق علي هي واللي معاها وانا اسمع انصدممت هذا اول يوم في ذا القسم شي مشجع:35:المهم اللي معاها راحوا ومابقى الا انا وهي بلمكان وخالتي اللي كانت معي كني باولى ابتدائي عشان ماضيع المهم مادرت الا البنت تقرب مني قلت يمكن تبي تعتذر اوشي وانا كنت ماسكه جوالي بيدي قالت لوسمحت قت نعم قالت معك جووال انا هنا ارتفع ضغطي قلت ايه قالت اللله يعافيك ابيه بكلم زوجي جوالي خلص شحنه انا بصراحه عمري ماخذت موقف مثل ذاك اليوم قلت اسفه ماقدر اعطيك الجوال ماعرفك


وقدر الله وصرنا بنفس الشله وهي حاقده علي حقد غير طبيعي انا بصراحه رديت بذاك الموقف ونسيت كل شي ولا احمل عليها اي شي لكن هي ماخذه موقف وتحاول توضحلي باي طريقه اني ماحبك ولاابيك بينا ودائما تناقرني على اتفه شي انا كنت اتحمل واقول معليش بكره تتغير وتعرفني على حقيقتي الا هذا اليوم
يعنني حتى برمضان ماسلمت منها بعض من مواقفها انا مصوره عجينتي وارساتها على القروب وكنت في نفسي عارفه انها اول من بيرد وش قالت لا حد من البنات يشوف هالعجينه يالوسخه وانا اعرف انه مب مزح ليش لاني مصورتها على طاوله المطبخ يعني اول مره تدري انه العجينه اساسا لازم تنضرب على الرخامه المهم تناقشنا قلتلها ماطلبت رايك وشوفي نفسك اول قالت واثقه قلت لو واثقه ماعيبتي على الناس قالت الصمت عن بعض الكلام هيبه لو في كلامها اي شي مايدل على الجد مايهمني


المشكله يابنات انا عجزت افهم شخصيتها اشوفها طيبه وحبيبه مع الكل تجي عندي لاا
ولما انقطع عن القروب اول من يسال علي هي هذي مستحيل تجتمع في شخص وواحد ياخي ماتحبيني وكارهتني ليه تسالين علي ماحد جبرك صح ؟ابي احد يقولي اي شي ابي اتفاهم معها صحيح ان علاقتي مع الكل عاديه لاني ماقدرت اندمج في البدايه كنت طالعه من صدمه غيرت نفسيتي كلها ماصرت اثق في احد ولا ابي اتعلق باحد بس بعدين لا حسيت انهم اخذوا مكانه بقلبي بسياتهم وحسناتهم تقبلتهم كلهم ولاعمر فرقت احد عن حد كلهم نفس المعامله اللي افضلهم اكثر والي مجرد زماله ماحسست احد انه اغلى من غيره

تكفون انصحوني وشلون اتعامل معها ومع غيرها حاسه اني صرت على الدقه صرت مجرد اتضايق على طول القيلون وتخنقني العبره رغم ان هالبنت مابقى شي ماجرحتني فيه حتى اعاقتي سخرت منها وكل هذا صدقوني ماكرهتها ولا حملت عليها ليه ما ادري احيااان اقول تبي تبرد حرتها واحيان اقول سذاجه