رحوووبه :

حبيبتي .. الله يبعد عنك الهم ويسخر لك زوجك ويتمم عليك الحمل ويسهل عليك ولادته ..... شوفي ياقلبي .... مهما سوينا وفعلنا الرجال يختلفون عنا حنا الحريم ...... معروف عنهم الرجال تفكيرهم عملي وحنا عاطفيات وحساسات .... وخاصه في فترة الحمل نزيد بعد ..... يااختي زوجي قريب لزوجك من ناحية صمته وقلة كلامه .... وكثير من الرجال زي ازواجنا .... لكن انا ما سكت صرت اسولف معا بالطالعه والنازله ..... وحتى شغله صرت خبيره فيه .... واذا يوم ما سولفت قالي عسى ما شر ههههههه تعود .... واحيانا اجهز السالفه اللي ابي اقولها قبل ما اطلع معه سواء برا البيت او بالسياره .... يعني اسحبه بالسواليف عشان حتى هو يسولف .... والحمد لله .... ومن ناحية ضغط العمل الصراحه ما ينلامون الله يعينهم بس .... يعني فوق روسهم كل شي ... ولازم نراعيهم من هالناحيه ..... والمستشفى ياعمري ... اسمحي لي ... انت السبب ... ليه ؟؟؟؟ لانه من البدايه تعود عليك كذا .... ينزل لمراجعاتك ويروح واذا خلصتي يجيك .... المفروض من البدايه عودتيه ..... ويوم رحتي للمستشفى اخر مره ... كان يوم قلك انا رايح واذا خلصتي دقي ... كان طقيتيها بوجه وقلتي لا تروح انتتظر حتى ما اخلص .... تري الرجال ما ينفع معاهم الا كذا لانهم يغفلون مو مثلنا حنا ندقق بكل شي .... لا تقولين كرامتي ومدري ايش ... يعني انت كثير سكت على بعض الاشياء .... ويوم انه تعود صرت تشرهين عليه ..... وياحبيبتي ... تري احسن لك تروحين للسوق لحالك ... وتخلصين اشغالك ... انا ما ارتاح الا اذا رحت لحالي ..... لانه طبيعي اذا الزوج معك يربكك ويستعجلك ... غيربعض البنات الله يستر عليهم ما غير مبققات عيونهم برجلك ... واحيانا بعد الرجال مبقق عيونه على الرايحه والجايه .... تري الصيدليه اغلب المرات انا انزل لحالي اخذ اغراضي ... والصراحه ما ابيه يطلع على اي شي اخذه ... واريح .... وهو يكون ينتظرني بالسياره ..... كثيييييييير تصير ... وعموما خليك ياقلبي حيويه .... لا تركزين كثير بسلبيات زوجك وهي ان شالله مهي سلبيات ... بس مع هالحمل والضغط ..... وتري زوجك فيه ايجابيات كثيره ركزي فيها .... واعرف لك ناس .... وانا منهم .... الزوجه عليها كل شي يخص البت ... من اغراض ... وسبرماركت ... وطبعا المصروف من الزوج ... لكن الزوجه مسئوله ... وهو كافي عليه هالشغل والدوام ...... لدرجة وحده منهم تقول اصلا اي شي يخرب انا اتصل على العمال واخليهم يجون وطبعا زوجي يكون بالبيت ... والمطعم انا اللي اتصل .... والمستشفى انا اخذ المواعيد سواء لي او لعيالي ....وتقول ما دام ما عندي وظيفه اقلها اشغل نفسي ..... وزوجها مبسوط معها ... وهو الفرصه اللي يكون فيها بأجازه تريه حتى هو يبي يغير ويشوف اصدقائه ويغير من جو العمل ...... وانت لا تخلين شي بنفسك وبعدين تشرهين عليه .... يعني لا تنتظرين يجي شي من نفسه لانه واقولك للره الثانيه الرجال يغفلون ..... انت خططي ودبري لكل شي وقولي له وزني عليه .... وابعدي عن التشره تريه يكرهه بالشخص ... ونصيحتي اتصلي عليه عادي ولا كأنه شي صار ... لانه سالفة المستشفى المفروض من الاساس انك انت تقولين له يجلس وتصرين عليه بعد ..... وهو تعود عليك كذا .... وخلاص انته الموضوع .. والمره الجايه لا تنتظرين شي انت اطلبي منه يجلس .... ان شالله اكون ريحتك ولو شوي ... ادري هذرتي كثيره .... لكن لاني جربت وضعك وحاسه فيك كثير ..... لكن الحمد لله انا مشيت السفينه .... وصار لي متزوجه اكثر منك ب 4 سنين ... يعني خبره ..... الله يخليكم لبعض ويبعد عنكم الشيطان ....

حبيبتي .. الله يبعد عنك الهم ويسخر لك زوجك ويتمم عليك الحمل ويسهل عليك ولادته ..... ...