متعبه من موضوع المحرم .........

السلام عليكم وتقبل الله صيامكم ووقيامكم و دعائكم
كيفكم اخواتي
لا تنسوني في البدايه من صالح دعائكم
تعبت يابنات من موضوع المحرم
هالايام المباركة خاطري بعمرة المشكله مافي محرم
فيه محارم كثيرين لكن اذا كلمتهم يتعذروا
يامتزوجين ومشغولين
ياعندهم خطط ثانيه ، يابزران مالهم خلق ويصرفوك ، بصراحه حسيت ذليت نفسي علي هالموضوع كثير
الكل ملزوم بزوجته وعياله و العيال ملزومين بامهاتهم ، والحريم يبون خصوصياتهم لما يروحون وهكذا
مع اني مااقصر معاهم كعمه وكخاله
ومستعده ادفع عنهم كامل ، كل مااكلم واحد يتعذر بعدين بعدين الى ان يروح الوقت
بزران يصرفوني ، يعني الي ماتتزوج بمجتمعنا وماعندها زوج وعيال ترمي وجهها على الكل ومحد معبرها
بصراحه حامت كبدي من هالسالفه سواء كان سفر عمره و مدينه او سفر سياحه ، قعدت اشوف فتوى يوتيوب لشيخ يتكلم عن وحده تساله ماعندها محرم لمكه قال اذا مالقيتي محرم ادفعي فلوس حجتك لاحد حالك حال كبير السن العاجز ، طيب الواحد وده يعيش الاجواء الروحانيه دامه بصحته وعافيته و فلوسه معه ليه نعامله معامله المقعد العاجز كبير السن
الله يعين بس حامت كبدي من هالسالفه
الي عندها حل او دعوه
ادعوا لي يابنات لعل فيكم من دعائها مجاب باذن الله
يرزقني ربي بزوج صالح يفتر فيني هههه