متعذبة عذاااااااب .............. تهقوون يساعدوني

السلام عليكم يا كل هلي
بنات أنتو حسبة خواتي اقسم بالله أني وحيدة وأحس بالغربة وأنا في بلدي
وسبب عذابي زوجي والله كأني أسيرة عنده أحس نفسي في معسكر تعذيب خلاااص ما أقدر أتحمل عايشة في بيتي تحت ضغط الإرهاب والرعب والخوف من بطشه وظلمه يضربني ويهددني بالحرق والطعن بالسكين يحتقرني دووم مهانة وذليله وأنا اصرف عليه وهو واحد حافي منتف وفرت له حياة كريمة شقة راقية واسعة وسيارات من الوكالة يجبرني أخذها له ومدلل نفسه واليوم يا بنات شركة الكهرباء فصلت عني الكهرباء لأنه الفواتير توصل عن طريق جواله الحقير هو ما يسدد يجمع الفواتير لين يتم الفصل وبعدين يخليني احتاس من غير كهرباء ويقول لي روحي يا بنت ( ألق........ ) سدديها عند الشركة تعبت من المرمطة والبهدلة كل كم شهر يشتري جوال جديد وأنا مسؤولة عن كل شئ حتى أطفالي انا اصرف عليهم قصص مأساوية سواها فيني أعجز اكتبها انا من مدة ما داومت لأن وضعي النفسي والصحي ما يسمح
بنات انا تغير شكلي من الهم صرت واحدة ثانية نحل جسمي واصفر لوني وتساقط شعري وصار خفيف ولونه ابيض ضعف نظري وتركيزي وصرت عصبية مع أطفالي انا دوم جالسة في البيت ما أشوف البشر الناس نستني ونست ملامحي صار لي سنين على هذا الحال
أكثر من مرة استنجد بالشرطة بس والله ما يسوون شئ
هو يلاقي له كفيل يطلع والشرطة ما تردعه وأنا أخاف أروح المحكمة وأطلب خلع لأنه ساكن في بيتي واعرف ردة فعله التعذيب بالضرب وتكسير أثاث وأغراض بيتي غير الفزع اللي يصيب أطفالي لجأت الى هيئة حقوق الإنسان هذي الهيئة مجرد أعلام ما تخدم رحت عندهم ورجعت بخفي حنين مكسور خاطري لأنهم زودوني بجرعات من اليأس والضعف وقلة الحيلة حتى هيئة الحماية الاجتماعية نفس الشي عراقيل في عراقيل وأنا أقاسي وأعاني ما عندي غير الله جلت قدرته وعظمته بس هنا عندي استفسار لو لجأت للهيئة تهقوون يساعدوني يوقفون زوجي عند حده ويردعونه بحيث أكون في حمايتهم منه وأنا مستورة ببيتي من غير شحططتي انا واطفالي ويساعدوني اتطلق منه بسلام من غير ضرر أو خطر لا تتعجبو زوجي شرير حتى أهله يخافون من مواجهته لأنهم يعرفون ردة فعله هذا مجرم لا يتقي الله يمكن يقتلني أو يسبب لي عاهة وأنا يتيمة ووحيدة اللي عندها فكرة عن مدى صلاحيات الهيئة تعلمني والله يجزاها خير في الدنيا والآخرة