السلام عليكم و رحمه الله و بركاته
صباح الخير ع المتصبحة و مساء الخير ع المتمسية
قبل ما أطرح موضوعي و أقول الكلمتين اللي بخاطري أبي أقولكم إني أحبكم في الله :39:
طبعا أنا متزوجه مثلي مثلكم و عندي خبره بسيطه من تجربتي
الحياة لابد يكون فيها إختلاف وجهات نظر و أحيانا سوء فهم
طبعا أنا من النوع الحساااااااس اللي ما يصدق بشي عشان يزعل
و كنت أعلق على أي تصرف ما يعجبني منه و أقوله ليه إنت كذا و لا تسوي كذا و تعرفون لقافة الحريم
جلست على هالحال 7 سنوات و انا الدلوعة اللي تزعل على أتفه الأسباب
لكن وش حصلت ؟
أزعل و لا يراضيني لأني أصلا زعلانة من شي تافه و أقعد يوم يومين و أروح له من نفسي ... طبعا أكره هالموقف ومنه تعملت
و هو بعد صار يسلك نفس سلوكي و يزعل من أي شي
مع الأيام لاحظت إن الزعل ما منه فايدة إلا من الشي اللي يسوى و يستاهل
و قد ما أزعل و أدقق هو بعد نفس الشي يقعد لي على الوحده
جلست مع نفسي و قلت لازم أتغير لمتى و أنا نكدية ؟
قررت بعدها إني أطور من ذاتي و أغير إسلوبي معاه لعل و عسى تمشي الحياة بدون نكد
وصرت أفوت له بعض المواقف و هو صار يستغرب إني ما زعلت و مديت البوز كالعادة
و صار يتعمد يعصب بي و أنا و لا كأنه يسوي شي
المهم حسيت بعدها انه تغير في اسلوبه معي مثل ما انا تغيرت
و بدييت أمسك أول خيط من خيوط السعادة
اللي هو التغافل
يا بنات ترى التغافل صفه عظيمة و يغفل عنها الكثير
حتى بينا و بين بعض
اللي حاصل الحين إن كلن ينتقد الثاني و كلن يراقب الثاني
دع الخلق للخالق و مالك ومال الناس
اذا قالك كلمة بايخه سوي نفسك ما سمعتي و طنشي و شوفي ردت فعله
راح يستغرب أول مره و ثاني مره بالأخر بيستحي من نفسه
و على قد ما تتغافلين عنه هو بعد بيتغافل عنك و يفوت لك أشياء ما كان يفوتها من قبل
لانه بيحس إنك معطيته مساحة حرية منتي حاكرته بكل شي
جربوا يا بنات .. و راح تتحسن علاقتكم بأزواجكم
هذي تجربتي حبيت أفيدكم فيها
"تسعة أعشار حسن الخلق في التغافل"
ليس الغبي بسيد في قومه لكن سيد قومه المتغابي!
BinT_7arb @bint_7arb
عضوة نشيطة
يلزم عليك تسجيل الدخول أولًا لكتابة تعليق.
صادقه
بس في حريم الله يهديهم ماترتاح الا لمن تزعل وتفتش وراه وتراقبو وتسوي مشاكل
يعطيكي الف عافيه
بس في حريم الله يهديهم ماترتاح الا لمن تزعل وتفتش وراه وتراقبو وتسوي مشاكل
يعطيكي الف عافيه
الصفحة الأخيرة
والله يسخره لك..ويسعدكم