متفشله من طلاقي وحابسه نفسي في البيت

سلام عليكم ورحمة من الله


يا بنات انا كنت متزوجة وعندي ولد وتطلقت
وبعدين ملكت على واحد وتطلقت
وبعدين اتزوجت واحد وجبت بنتين وتطلقت
والحين جالسه في البيت مع ولدي
ما اطلع ولا اقابل احد متفشله من طلاقي
للمرة الثالثة
واخاف قريباتي وزوجات اخواني يتشمتون فيني
او ينظرون لي بشفقة لان طليقي اخذ بناتي وسافر ديرته معاهم
مالي وجه اقابل احد
مليت من الوحدة تعبت من كثر ما الدنيا صفقتني
فاقدة بناتي مرة وهم ياعمري صغار
واحدة اربع سنوات والثانية خمس سنوات
مليت من قعدة البيت
واذا لقيت وظيفة عشان انشغل فيها
يرفضون ما يبون الا سعوديات
الله يرزق الجميع من فضله
الحين العيد كل الاهل بيعيدون مع بعض
الا انا بقعد في بيتي ما بقابل احد خايفة من التشمت والشفقة
تكفى ادعوا لي ربي ييسر لي وظيفة انشغل فيها
اطلع من البيت اقابل ناس الوحدة صعبة ومتعبة
جزاكم الله خير....