متقدم لي خمسيني واحتاج مشورتكم عاجلا/ استوفى الرد

السلام عليكم ورحمة الله وبركاته

بنات ابي اراء حقيقيه
انا وحده عمري 34 سنه لم يسبق لي الزواج وسمنتي سبب عزوف الناس عني
كنت سمينه وزني 95 و نحفت الان بعد التحوير و لله الحمد
لي سنه ونص من اتحورت
كنت جميله والان يقولون جمالي زي اللعبه
اعرف اني جميله جدا وهذا اللي يخطبونك على اساسه لان ما احد يعرف شخصيتك من الخطاب او اهلهم

موظفه و متعلمه و حياتي كويسه مع المشاكل المعتاده
مدلعه شويتين

تقدم لي واحد من الجماعه عن طريق قريبته ((صديقه لخالتي))
عمره 53
ارمل
عنده 4 عيال اصغرهم عمره 10 سنين
مليونير
خلوق ومحترم ويصلي ومستقيم و كلام الرجال كله
حسب الكلام اللي وصلني انه مستعد يحط لي بيت و خدم ويدلعني والكلام الحلو هذا كله ((اللي مو شرط يصدق))

انا احس اني كثير عليه
ياناس اعرف نفسي اخاف ما اتقبل
بنفس الوقت المجتمع يشوف العمر والشكل وماله شغل بقيمتك و شخصيتك و تقديرك لذاتك

متخوفه من فارق السن
بابا عمره 59
ماما 52
هذا اكبر من ماما بسنه!!

و خايفه من الحزازات مع اولاده

اي وحده مكااني وش بتسوي دلوني عالصح


مع العلم اني مو مضطره عليه او على غيره و اهلي وضعهم المادي والاجتماعي ممتاز يعني الزواج
ستر وبرستيج و خروج عن سيطرة الوالده ((المتشدده في الرأي ))

ابي اراء سريعه بليز لازم ارد لاني معلقه الناس