فلونه9 @flonh9

عضوة جديدة

متقدم لي واحد عيبه في عمره وإلا هو ماشاء الله مركز ,,أبي مشورتكم

السلام عليكم ورحمة الله

أبي أستشيركم في موضوع قالب دماغي فوق تحت
عندي بالكلية العميد حقها شخصيه جدا محترمه ومتعلم دكتور وأخلاقه ماشاء الله عليه الكل يمدح فيه والكل يحبه المهم أنا موظفه جدا مجتهده في عملي وهو يحب يتواصل مع الكل بخصوص العمل عن طريق الرسايل على الجوال ودايم يعطينا نصايح ع الجوال ويحب يسألنا أحنا المعيدات عن دراسة الماجستير وإيش سوينا وهل لقينا قبول أم لا إلى آآخره
وأحيانا يتصل إذا لزم الأمر ويستفسر ,,

اللي ابي استشيركم فيه هذا الرجل ناوي يتقدم لي (عرفت من خلال بعض المواقف ومن اسئلته لي ومن وحده دكتوره انه فيه واحد يسالها يبي يتزوج وهي رشحتني وكمان الرجال بيقدم لي خدمه بيتوسط ويجيب لي قبول داخلي للماستر اقصد داخل الدوله ايش معنى يخدمني انا بالذات يعني,, (هو كان بيخدمني واخذ اوراقي بس الحمد لله جاني قبول تلقائيادون محد يتوسط) لا ويسالني ابوك وين يقيم يعني في راسه شئ,,ومره كان يسالني ليش ماتروحي امريكا تدرسي وضحت له اني مااقدر قام ارسل لي الله يرزقك زوج صالح متعلم بالرغم اني مااناقشه باي شئ خارج عن العمل وقبلها مره كان يرسلي بخصوص الخدمه اللي قلت لكم بيسويها لي وشوي يقولي ممكن سؤال ليش ماتروحي برع انتي وزوجك حسيت انه يستهبل معقوله مايعرف اني مو متزوجه المهم رديت عليه مااقدر قام ارسل اسف يابنتي يعني انتي مو بمتزوجه ولا مخطوبه ؟طبعا انا مارديت عليه واحيانا يرسل يسال عن موضوع معين بعدها يرسل نصايح لي بخصوص الدراسه ومن هالكلام وويدعي لي وبعد ماجاني القبول يسالني متى تبدا دراستك بالرغم ان موضوعي كامل مقدمته عند الوكيله حتى الوكيله تقولي العميد يدعي لك وكانها متعجبه )

وابي استشيركم يصير اوافق عليه وهو عمره 52 سنه وانا عمري 26سنه وهو دكتور متعلم شهاداته من برع كلها وماسك منصب عميد بالجامعه وولد حموله والكل يمدح فيه وفي اخلاقه
حتى ابوي لمن كان يخلص بعض اموري عنده ويروح له بمكتبه كان يمدحه كثير ..انا ماادري هو متزوج عرفت من خلال انه في العمل ينادونه بابو فلان بس ماادري بشئ عن وضعه في زواجه وهو بمدينة العمل ساكن لحاله
اللي اقصده يعني هل لفارق العمر عيب في الموضوع لو انا وافقت عليه ؟؟كمان ابي اقولكم انه هو من قبيله وانا من قبيله ثانيه وعايلتناصعب فيها التزويج للي يجي من غير القبيله بس ماادري احس اهلي عادي بيوافقون لان ابوي كثير كان يمدحه أمانه اللي ترد ترد بذمه وضمير لان بجد انا مو قادره افكر يمكن تقولي تستبقين الحدث بس نيته واضحه مررره اني يبي يتقدم

للمعلوميه قبله تقدم لي كثير يمكن وصلوا الى 11 بس كنت مرات انا ارفض ومرات اهلي يرفضون والحين احس العمر يجري وكل بنات جماعتنا اللي بعمري واللي اصغر مني تزوجوا وخلفوا حتى صرت استحي والله من نفسي اني للحين ماتزوجت ,, الحمد لله راضيه بقضاء الله وقدره
الحمد لله من ناحية الجمال اعتبر عاديه ولكن فيني جاذبيه بشهادة الكل ملتزمه دينيا ومحافظه,,
انا جدا محترمه معه لمى اراسله طبعي هادئ ومسالم واحب عملي كثيروالمستقبل قدامي بإذن الله حلو كون وظيفتي اكاديميه ..

معلومه تقريبا جماعتنا اغلب وظايفهم عسكريين واغلبهم مو متعلمين نادرا مايكون فيه واحد مكمل الجامعه اغلبهم ع المتوسط او الثنوي وع العسكريه ,,

تكفون يامستشارات افيدوني بموضوعي ابي مشورتكم ابي رايكم يصير اقبل فيه وهو اكبر مني الفارق يمكن 26 سنه بيني وبينه وهل هناك مساوئ باعتقادكم لهذا الزواج لو تم ؟؟

امانه يابنات اللي ترد ترد بأمانه تحط نفسها مكاني لاتهولوا الموضوع ولاتستخفوا فيه الله يرضى عليكم

ولكم مني كل الشكر مقدما

112

10K

يلزم عليك تسجيل الدخول أولًا لكتابة تعليق.

تسجيل دخول

sshm • 13 سنة

اول شي استخيري وصلي صلاة الاستخاره واللي كاتبه لك ربي بيصير
الله يكتب لك الخير يارب

مظلومة في حياتي • 13 سنة

اذا فيه خير الله يقدمه واذا شر الله يبعده عنك

وما انصحك تاخذين معدد وكبير

بنت الصالحين • 13 سنة

اذا تقدم لك استخيري وشوفي
ولاتحطينه في بالك وهو لسه ماخطب
ثانيا الان مستحيل تعرفين الشخص الا مع العشره
ماتقدرين تحكمين من كلام النااااس
والله يكتب لكـ اللي فيه الخيــــــر

ماما جومانة • 13 سنة

استخيري
بالعكس اشوف حلو
لانك عندك هدف في الجامعة والدراسة وهو بنفس المكان
ممكن يشجعك ويساعدك
يجوز عمره كبير بس تفكيره وعقله متفتح
واحسن من الف شاب
يعني معلش اغلب المشاكل من الشباب وطريقة تفكيرهم
الله يوفقك ويصلح حالك

SAROOONA • 13 سنة

لا يا اختي انا اشوفه وايد كبير عليج يعني هو بحسبة ابوج

توج في مقتبل العمر

تركدي لا تستعجلين وان شا ربي يرزقج بالرجل الصالح اللي يكون عمره مقارب لعمرج و يكون ولد بعده ما تزوج