متقدم لي واحد ؟؟؟؟؟محتااره يابنات ومحتاجه مشورة أحد

السلام عليكم





مرحبآ جميعآ بنات حواء


مابي أطول عليكم وعلي ابي ادخل بالسالفه دووغري


يابنات أنا بنت عمري 25 متقدم لي شاب ( مطلق )
المشكة لما جونا أهله ماقالوا إن ولدهم مطلق خافوا إننا نرفض نستقبلهم
استقبلناهم وضيفناهم وشافوني وسولفت معاهم وكل شيء اووك
من بكرا علطول اتصلت امه وقامت تمدحنا وارتحنا لكم وماشاءالله عليكم ومن هالكلاام لما تعمقت بالموضوع قالت إن ولدها مطلق
امي قالت لها ليش ماعلمتونا قبل قامت تستعبط تقول انا ماقلت لكم.!! إلا قايله لكم يمكن نسيتوا <-- حركات العجز
بعدين قالت يمكن نسيت اقوله
بالله شيء مثل هذا وشلون ينسي !!!!


طيب العائلة كويسه وامه واخته مرره حبوبين
لما سألتها أمي عن سبب طلاقه قالت إن البنت شكلها مغصوبه عليه ( مامكنته نفسها ) !!؟؟؟
بصراحه مافهمت وش يعني مكنته نفسها
وان ابوها كان معجب مرره بولدها وشاريه وضغط على بنته
قعد معها شهر وطلقها
وشيء طبيعي من كل أم بالدنيا تقعد تمدح وتمدح بولدها


الحين أنا محتااره يابناات حتى لو سألنا عنه النااس مايدرون إلا عن الظااهر
فيه أشياء تصير بين الزوجين مايعلم فيها غير الزوجين وربهم فقط اخاف يكون فيه سبب غير هالسبب اللي قالته أمه وأتوهق وأنا في غنـى عن هالتوهيقه


وبنفس الوقت أخاف يكون الولد كويس ومو غلطته إنه مطلق وأرفضه لسبب أنا مو عارفته أصلآ


جد جد افتر راسي من التفكير مدري وش أقرر



ياليت تشورون علي وعدوني أخت لكم ولو أي وحده فيكم بمثل هالموقف كيف بتتصرف :44: