السلام عليكم ورحمة الله وبركاته
كيفك حالكمـ يابنات وكيف حال شعوركم ؟
صحية ولامعه وطويله وكثيفة ومرضيه غروركم ؟
ولا تحتاجون عناية ؟
اللي تحتاج عناية تطبق من برنامجي اللي يعجبها فقط وتبشر بالشعر الصحي والحيوي
ومو شرط يابنات تطبقون كل شي اللي يناسبكم فقط
ويمكن تتهافت عليكم عروض إعلانات الشامبوا أنتبهوا :icon31:
يلا نبدأ
أولاً طريقتي أزيت شعري 3 مرات في الأسبوع
وكل أسبوع أستخدم نوع من الزيوت
يعني بشهر أكون حطيت من كل الزيوت اللي عندي لأني ماحب أعود شعري على زيت معين ولأني دائماً أحب أسوي برنامج مكثف بعدين بعده أرتاح لمدة كم شهر بس أزيت شعري محافظة مرة بالاسبوع
الأسبوع الأول
أعشاب الغسول الهندي أكيد تعرفوها يابنات جداً رائعة نقعتها أنا في زيت الحرير مدة أسبوع وبعدين بديت أستخدمها وماصفيتها بالعكس لما أجي أستخدمها أرج العلبة للإستفادة من الأعشاب أكثر
طبعاً الغسول على أسمه يغسل فيه الشعر بالموية لكن الطريقة فاشلة وتجفف الشعر وتسبب له تقصف وأنا سويتها بهالطريقة هذي لجل أستفيد من الأعشاب الهندية وتفادى مشكلة الجفاف
والنتيجة جداً رائعة وتلاحظون مخلصه العلبة
وهذي الفوائد مكتوبة على كرتون كل منها
ومرتين بالأسبوع حطي على شعرك قناع البيض
الطريقة أخفقي بيضتين (على حسب الطول) الصفار مع البياض وحطيه على شعرك بالفرشاه
فرشيه على الفروة تفريش حتى يدخل المسام والباقي حطيه بالأطراف
معلومة
صفار البيض يحتوى على 50 فى المئة بروتين و 30 فى المئة دهنيات
يعني اللي شعرها دهني لا تحط بياض البيض فقط الصفار لجل تستفيد من البروتين
ملاحظة : الفرشاة والوعاء تلاقونه عند نزيه حق تجهيز الصالونات وبالصيدليات هي نفسها حقت الصبغات
وحطي على شعرك قبعة النايلون ولو تلفي فوقه شال يكون أفضل لجل يدفئ الشعر وتخف عنك الرائحة
وأنا ماأويد طريقة البخار لأنها تسبب تساقط جربتها والشال يكفي لأنه بيكون على النايلون 3 ساعات
الأسبوع الثاني
زيت أملا والكل يعرف فوائدة
لكن مشكلة الكل رائحتة بس أنا جربت أستخدمه لما أجي أنام وألف شعري بفوطة وأحط فوطة ثانية عالوسادة لجل تبقى الرائحة فقط بالفوط وأول ماأصحى أغسله وبكذا ماحس برائحته
والأسبوع الثالث
للنعومة واللمعة
أستخدم زيت جوز الهند برشوت اللي بالصورة + ثلاث ملاعق محلب < منقعتهم في الزيت
نكمل ...
( ماشاء الله لاقوة إلا بالله )
خلي القناع شبه سائل كثري الزبادي لجل مايكون ثقيل وماتنتفع منه البصيلة وبنفس الطريقه الأولى فرشيه بالفروة
واللي شعرها جاف لا تحط السدر على الأطراف فقط بالفروه لأنه يقصف أطراف الجاف
تحط بأطراف الشعر زيت زيتون ويلف الشعر بقبعة النايلون والشال نفس الطريقة السابقة
الأسبوع الرابع
سمن بقر + زيت زيتون بكر طبيعي
سمن بقر :09:<< لااااااا يطاق من دون مبالغة أقول ياحبي لزيت أملا :D
جدا رائحتة مقرفة بس يابنات طول شعري بشكل ماتتصورون ويقضي على التقصف نهائي
ومشكلته غير الرائحة مايطلع من الشعر بسهولة عذاااب
لكن بقول لكم طريقة تنظيف شعري منه
أغسلة أول شطفه بشامبوا عطري مثل كلير
بعدين أسرح الشعر خصلة خصلة بمشط دقيق جداااااااا << مهم يطلع مع المشط السمن وكأنك ماغسلتيه
بعدين الشطفة الثانية بـ سدر
والشطفة الثالثة والأخيرة بـ شاموا كلير
وبعدها نشفي شعرك وعطريه
ملاحظة : أثبت المتخصصين أنه من الأخطاء الشائعة أن العطر يسبب الشيب وهالشيء اثبتته التجارب
# الأقنعة اسبوعين بالشهر بيض واسبوعين سدر وزبادي
الأفضل مع هالبرنامج واستخدام أي زيت يستخدم شامبوا ميتال الأندنوسي لأنه جدا مفيد للشعر والشامبوهات العطريه والكميائية عند الحاجة
هذا زيت ميتال الأندنوسي تلاقونه عند العطارين
والشامبوهات اللي أستخدمها وأعجبتني
شامبوا فازلين الأخضر
شامبوا كلير نوع النعومة الكاملة
وبانتين أحياناً
وبالأخير أنا من تجربتي البلسمات مضره للشعر وتأثر على فروة الرأس كنت أستخدم لوريال و ويلا وبانتين وصانسلك وأكثر ماناسبني بلسم لوريال الأورنج والأحمر لكن تركتهم مع البرنامج
حتى السيرومات راح تقاطعونهم مع هالعنايه لأن مانحتاج لهم لمعان ونعومة
وهذا قناع مع الشاور تحطونه عشر دقايق عند الحاجة
3 ملاعق فاشكول
2 ملعقتين مايونيز
1 ملعقة عسل
وأخيراً
أنصحكم يابنات بـ كبسولات الزنك stresstabs with zinc
راااائعه مهما ووصفتها لكم ماوفيها حقها من تجربة تحتوي على زنك وجميع الفيتامينات وبروتين ممتازة للشعر ويصرفونها الأطباء وسعرها رخيص في متناول الجميع
أنا أخذها كل فجر مع علبة حليب سعودية ونتيجتها تبان بعد شهر إن شاء الله
( ماشاء الله لاقوة إلا بالله )
ــــــــــــــــــــــــــــــــــــــــــــــــــــــــــــــــــ
وسلامتكم :26:
اتمنى أكون قدمت فائدة للجميع
وربي يخليكم اللي تستفيد من تجاربي تدعي لي بظهر الغيب ربي يحقق أمنياتي قبل رمضان
..