متكله عليكم من بعد الله

الأسرة والمجتمع

السلام عليكم ورحمه الله وبركاته

وشلونكم بنات شخباركم ..؟؟

انا بقولكم مشكلتي .. وياليت تساعدوني فيها ابي ناااس كبيره وفاهمه الحياه

انا لسى صغيره عمري 17 سنه رحت لمدرسه بالباديه وانا مااختلط مع البنات كثير

تعرفت على وحده من هناك وصارت صديقتي وتعرفت على شله بس هاذي البنت اكثر شي تعلقت فيها

.. وكنا تمام التمام بس يوم مره النصف الدراسي الاول جت لصديقتي معجبه واللي جايتها تصير معنا بالشله

وهي وافقت انها تصير معجبها وانا مااحب هالحركات هاذي صرت كل يوم والثاني ادق عليها واقولها

المشكله هي تعطيني امل انها تغير العلاقه بس تفاجأت من معجبتها جتني وقالت انتي انسانه

تنشبين بالناااس يختي هي ماتبي تتركني غصب والمشكله ام البنت متشدده مره وانا خايفه عليها

بس قالتلي معجبتها انها مضبطه العلاقه مع ام صديقتي وماراح يصير شي انا حاليا ساكته

بس اختي جت وصارحتني قالت يافلانه ترى صديقتك هاذي اكرها قلت لها ليش قالت كذا من ربي

ومره امي دخلت علي وانا اتكلم معها بالمسن وجلست امي تناظر المحادثه قالتلي صديقتي

ان فيه وحده بالشله تكلم عيال وانا سويت ايميل ولد بتأكد واضافتني بأيميلها الثاني واضافت هاذي البنت

وتتكلم معها كنها ولد امي بعد ماشافت هذا الشي قالت لي اتركيها ..

وانا صراحه مرتااااااحه مع هاذي البنت ولانفسي اتركها وفهمت امي السالفه واقتنعت

واللحين انا ابي انقل وقالتلي ابي انقل معك بس انا محتاره امي واختي مايبونها وانا مرتاحه لها

وكل شي بقلبي اقولها وهي اذا صار معها مشاكل دقت علي وقالت لي

صدق عندها حركات اعجاب وكذا بس البنت تسوي هالاشياء مو من قلبها

وحنا فاهمين بعض واكثر من الخوات .. مدري شسوي دلوني تكفوون والله مقدر اشكي لاحد غيركم



تحياتي لكم:26:
10
704

يلزم عليك تسجيل الدخول أولًا لكتابة تعليق.

تسجيل دخول

بنوته واموره
بنوته واموره
الله يعينك بس انا اقول اتركيها احسن وطيعي امك واختك
ألمـاسة
ألمـاسة
حبيبتي نصيييييييحة اتركيها

والله يرزقك أبرك منها
صدمات كثيرات
صدمات كثيرات
وش تبين بها ان شاء الله تكونين علاقه مع بنات ثانيات افضل منها يعينونك على الاشياء الكويسه اللي تنفعك في الدنيا والاخره

واقولها لك وانا كبيره من واقع تجربه كانت امي تكره وحده من بنات العائله وانا احبها ويقولون فيها ومافيها وهي تقول نصابين ومن ها الحكي ولعبت علي سنين مهوب شهر ولا يوم وفي الاخير اكتشفت بنفسي انها راعية خرابيط وتركتها وصدقيني اني ندمانه على اليوم اللي شافوني الناس جالسه معها واكيد فيه احد اكتشفها غيري ويمكن يقولون ماصادقتها الا وهي مثلها وش تبين فيها الوسخه توسخ سمعتها وسمعة كل بنت تجلس معها اتركيها غير آسفه عليها
فكرهـ مـ ج ـنونه
الله يجزاك خير اختي

والله وانا اشكي لبنت خالتي قالت نفس كلامك بالضبط بس انا اللحين مدري وشلون بتركها

يعني بدون سابق انذار اتركها اكيد راح تستغرب وتدق وتسأل الله يعين مدري وش بسووي

يارب انك تسهلها علي ادعولي يابنات ترى هذا الشي ابد مو سهل علي
عبق الندى
عبق الندى
شوفي تقدرين تتركينها شوي شوي

يعني خليكِ شوي شوي ماتكلميها

وكل يوم من كذا لين تتركيها

اذا فيه ناس راعيين خرابيط الاحسن نتركهم

لأن سلوكنا لازم يتاثر بالي نصادقه حتى لو قلنا انه مايأثر

الا يأثر وكثير بعد

وبالتوفيق والاهل اهم احسن ناس نثق فيهم عشان هم يعرفون مصلحتنا