متملكة اطلع معاه ولالا؟؟

السلام عليكم ورحمة الله
بنات ابغى شووووركم بالموضوع
انا متملكه من شهرين تقريبا وباقي شوي على الزواج في بداية الملكه فتح موضوع عن اللي يطلعون فترة الملكه وكان يقول انا اشوف مالها داعي لان كل شي بوقته حلو طبعا انا كنت ساااكته واسمعه مارديت ===(لانه بالأساس انا ماشوف فيها شي :35: يعني تبقى ذكرى حلوه خصوصا اذا ماصار هالشي دايم يعني طلعه او طلعتين ماراح تأثر)
المهم مشت الأيااام وجا وقت تأثيث البيت واذواقنا تختلف عن بعض شوي مادريت الا قال لي اذا ماافها احراج نبغى نطلع نشوف غرف النوم ونتمشى شوي:27: انا ضيعت السالفه ماعطيت ايه ولالا لأني مستغرربه كيف وهو كان يقول ذاك الكلام!!!!
ملاحظه::
لا أحد يقول لي يمكن يختبر ومادري ايش وحركات شباب انا من هالناااحيه متطمنه اولا هو ولد عمي وثانيا متأكده 100% انه مو هذا اسلوبه وطريقة تفكيره ...
بس متحييييره صراحه وش هالتناقض هل تتوقعون انه مثلا كان بيشوف رأيي ذاك اليوم اذا انا اخالفه واقوله مافيها شي او اوافقه ومنها يعرف اذا له امل ولالا !!!
شوروا علي وش اسوي اوااافق ولالا!!! بصراحه انا ماعندي ماعندي بس توترت لما شفت التناقض قلت وش معناه يعني لو ماكان قايل هالكلام من قبل كان طلعت عادي...