متملكة من شهر ومابينا تواصل

السلام عليكم ورحمة الله وبركاته
صباح الخير للجميع
الله يحفظ ملكنا وامن بلادنا ويالله عساها قرارات خير
ودي افضفض بموضوع مضايقني وابي منكم المشورة انامملكة تقريبا من شهر وزوجي مو من ديرتي بس من نفس قبيلتي واحنا عادي عندنا المكالمات والزيارات بفترة الملكة وهو ماكلم وشكل ماله نية
الحين انا محتارة وعندي تساؤلات عن هذا الشخص اللي برتبط فيه مو عارفه عنه كثير كيف شخصيته وكيف اسلوبة معاي اخاف اسكت واتورط معاه او يمكن مومرتاح لي ومنحرج من اهلي
وكمان فيه شي مضايقني حيل لما جات امه واخته قالو عمره 36 وانو مطلق زوجته طلاق بائن اللي فهمت انو طلق كم مره ويرجعها واخر طلقة كانت من سنه ولما وقعت بالعقد شفت تاريخ ميلادة طلع اكبر من 36
ماهمني العمر كثر سالفة الطلاق ولان بالنظرة الشرعية عرفت انو اكبر وكنت راضية بس اللي موترني الحين خوفي ان اهله مو صادقين معاي بطلاقه يمكن يكون رجعي وانا مو حابه اخذ معدد شي بنفسي كذا عجزانه اتقبل الموضوع
ابي طريقة اخليه يكلمني او حتى رسايل راضية بس اعرف عنه شوي ويعرفني واشوفها صعبة انا ابدأ
اخته تتواصل مع اختي ولا اخذت رقمي :44:
شي يقهر امي وخواتي مستغربات واخوي يسأل من فترة لفترة كلمك فلان وانا منحرجة من وضعي وكارهته وكمان مو راضيين يساعدوني بحل
طولت عليكم وكلامي مو مرتب ابي تساعدوني بطريقة تخليني اتواصل معه من دون مايلحقني منقود وكيف اتأكد من سالفة طلاقة
بوضحة شغلة انا استخرت قبل الملكة واموري تيسرت ولو انه فيني شوية ضيقة، وماني عارفة قصدكم استخير على ايش لاني مافكر بالانفصال وكمان انا سبق لي الزواج مو بنت ومريت بفترة ملكة و زيارات وامورنا كانت تمام مشكلتي ابي اتواصل مع زوجي الحالي عشان اتعرف عليه فقط واتأكد من طلاقة