متناقضه مزاجيه وبنفس الوقت تشوف نفسها الطيبه المسكينه

اختي لها صديقة ‏علاقتهم جدا قوية تزورنا صديقتها في بيت اهلي يطلعون سوا صديقتها دخلت في أهلي كثير حتى أمي تعرفها زوجات إخواني يعرفونها صارت تقريبا من العائلة حصل بينها وبين أختي مشكلة سخيفه و أختي الله يصلحه شوي مزاجية انا وهي اختي تحوم كبدي الله يحرمها النار من الاشخاص المزاجيين جدا يعني عادي تلاقين اختي بدون سبب تنفس على صديقتها لانها ترسلها واتس وصديقتها ماترد مشغوله ثم الضعيفه صديقتها ترد عقب واختي تطنشها او تزبد وترمي حكي او تعطيها مشغول اذا دقت والسبب ليش مارديتي علي يوم ارسلك ،،مالكم بالطويله فجئه البنت انقطعت وماعاد ترسل واختي تركتها تحسب نفس العاده اذا رجعت وتنازلت اختي وارسلت صديقتها ماراح تصدق خبر وترد عليها ولاكان شي حصل لكن المفاجئه ان الحرمه ردت في برود وقالت يافلانه من ابتعدنا عن بعض ارتحت نفسيا صراحه اعتذر منك لكن ابي نتبتعد وعلاقتنا إلى هنا وبس أختي انهارت وقامت تدعي عليها من وراها وتركتها مرت ‏الأشهر قبل ثلاثة أشهر ارسلت أختي مره ثانيه تبغى ترجع لها صديقتها رفضت ‏بأدب قالت لها أنت إنسانة طيبة وتستاهلين اللي أفضل مني وأنا كذا مرتاحة وأتمنى لك حياة أفضل أختي زعلت ورجعت لها الحاله وتدعي وتسب المره هذي برضو ارسلت تفاجئت انه مبلكتها هنا اختي مرره تضايقت انا مستغربه ليش تعاملينها كذا اذا تحبينها طيب كنتي تحشين فيها عندنا وعند حريم اخواني وتطنزين عليها وعلى شكلها وضحك وطقطقه وانها حرمه مو سنعه وماتعرف تتعامل مع زوجها طبعا بحكم انهم صديقات كانت صديقتها تخبرها مشاكلها مع زوجها وتفضفض واختي تجي عندنا انا و وامي وحريم اخواني وتكب عشاء صديقتها وتقول مشاكلها مع زوجها وتطنز ومسخره وطقطقه والله كنت انقهر حتى يطلع شكلها غبي عند حريم اخواني ودي اسد فمها اتذكر صديقتها كانت تتقضى للعيد
وتصورلها فستان وتسالها عن رأيها واختي توريه حريم اخواني وضحك وطقطقه وسب ليش يا اخيتي التناقض هذا تحبينها وبنفس الوقت تقطعينها حش ودائما منرفزتك عجزت افهمها ورب الكعبه عجزت المشكله العظمى أنها تشوف نفسها مسكينه وطيبه والناس دائمًا ظالمتها ودي اصارحها بس اخاف منها تلعن خيري ههههههه