متندمه قد شعر راسي

السلام عليكم ورحمة الله وبركاته
مشكلتي انا مب من النوع اللي اثق بأحد وهذي نتيجة لاني تعلمت درس من المشاكل اللي صارت لي بسبب الثقه وصرت ماشتكي الا لربي فقط وعندي صديقات واقاربي قريبات مني بس ماشتكيلهم ولايعرفون سر من اسراري ماعدا المشاكل البسيطه اليوميه اللي افضفض فيها بسبب الدراسه وغيرها مع العلم هم يقولون لي كل شي وكنت مستمعه فقط واضغط ع نفسي واحل مشاكلهم واساعدهم حتى مشاكلهم العائليه والعاطفيه اللي كبيره كبيره جدا مع العلم لو خبرت فيها احد بيروحون بداهيه بس ماعمري فضحتهم عند احد ولاتشوهت صورتهم فنظري بالعكس واحس ربي لطف فيهم مع الانسانه الصح مع العلم منهم فيوم ينقلبون علي ويعملون معي مشاكل كبيره لو وحده غيري فضحتهم ونزلت راسهم بالارض بس كنت انسحب منهم بهدوء واعاملهم برسميه بس اسرارهم عندي ليوم الدين..ابدا بموضوعي مافي شخص مايمر بظروف تتعبه وانا أمر بمشكله خاصه وكنت متأثره ودموعي بس تنزل ووجهي متفخ وكان يبان علي الحزن وكانت في انسانه عزيزه علي وهي بعد كانت من الخوات الي توثق فيني وكل شي عندي بس اخاف منها يعني مو واثقه ميه ميه بس كانت تلح تعرف شفيني وعلمتها وفضفضت لعل ارتاح واطلع اللي بقلبي بس بالعكس زادني هم همين وصرت متندمه وتعبانه وخايفه لاتهينني بيوم من الايام وتطعن بظهري انا كنت ارتاح بالسجود اشكي لربي بس الان مامعي صلاه واحس تايهه وتعبانه ..افيدوني كيف استودع سري وهل اللي عملته غلط او صح مابغي اوقع فالغلط مره ثانيه لاتلوميني اللي شفته بسبب الثقه مو شوي بس انا انسانه ضعيفه لاحول لي ولاقوه .. وادعولي انه مشكلتي تنحل