هئ هئ هئ

انا دوبي رجعت

وانتوا رحتوا


ياربيه قهر

ماشاء الله عليكم يابنات سواليفكم توسع الصدر,الله يحفظكم

الغالية جوري شكرا على الوصفة وهي باين عليها خايسة لكن وش نسوي الدعوه كلها خربانه زيت وكرنب والله يستر على الباقي,

بالنسبة للملابس يابنات اذا فيه عندكم اشياء حلوة جيبوا معكم لان السوق عندنا روعة لكن المشكلة في التكرار,في المناسبات تشوفين كم وحدة لابسين مثل بعض,وبعض الحريم الله يهديهم اهون عليها تذبحين ابوها ولا تلبسين مثلها(اللهم لك الحمد كنها نازلة من السماء بخبر)
هذا رد سريع على هامش سهرتكم,شكرا لكم جميعا واشوفكم الليلة ان شاء الله.

ياهلا والله وغلا باشاليمار كيفك ياغاليه وكيف الجو في السعوديه كلها والله انا عادي اذا شفت احد لبس مثلي راح ينقص مني عادي واكثر من عادي الله يهدي الناس اللى يسون مصيبه اذا احد لبس مثلهم الله يهدي الجميع
خلينا نشوفك ياغاليه اليوم

الله يحييك اختي الغالية ام صلاح الدين,
الحمد لله احنا بخير والجو في الرياض هذي الايام روعة ,وان شاء الله اكون معكم الليلة,لكن عز وقت السهرة عندكم يكون عندي وقت تجهيز الاولاد للمدارس.

الله يعطيك الفافيه ياشاليمار انتي متى تجلسين على النت بتوقيت السعوديه ترى انا فاضيه الوقت هذا ووقت السهره اكون انيم الاطفال وارتب البيت بعدهم