ام فيصل اكيد الغربة لها دور في تغيير نفسيتك....لكن ادعي الله دايما يحنن قلبك وخلاص تبطلي عادة الضرب....لأنه انا عارفة تأثيرها السيء عليكي انت قبلهم هما..اكيد خلاص تضيق بيكي الدنيا وتكتئبي ونفسك تحبسي نفسك بعيد عنهم كلهم...

فبشويش وخلاص

تصدقي هنا الانقليز كلهم...والله يشدوا انتباهي في طريقة معاملتهم لأولادهم..ترى اولادهم زينا حركين وعفاريت..في السوق مثلا تلقيه يطلع الدرج الكهربائي بالمقلوب ولا يضارب اخته قدام الناس ولا يبكي عند لعبة..اول شي يقولولهم تعالوا...ولسه الاطفال معندين..ويستنى الأب أو الأم شوية..بعدين يقول أنا قلت تعالوا ....آخر شي يقولوا كلمة Now وعلى طول الولد جري على يد أبوه يمسكها وهو ساكت...

والله في كل مكان لاحظتها بمجرد يقولوا كلمة ناو خلاص يترعبوا أولادهم....سألت زوجي قلي زمان اول ما جا بريطانيا وسكن عند عيلة..كان الام والا الأب اذا قال تعال دحين يعني دحين وما جا ولدهم خلاص يعرف انه في عقاب حتمي في البيت زي الحرمان من العشا..واحنا ما نقدر نسوي دا الشي لانه قلبنا رهيف عليهم ونحسبهم حيموتوا لوا ما أتعشوا...

غير كده يروح سرير من 6....وينطفي النور في غرفته ويجلس لوحده الى ثاني يوم....

فتلقي أولادهم على طول يسمعوا الكلام

احنا اذا ما فرج أمة لا اله الا الله عليكي في السوق ما يرتاحوا واللي يسمع يقول حارمينهم من الألعاب وعندهم في البيت طن لعب....

كان زوجي وهو من الجامعة يجيب حلاوة لبنت العايلة كان عمرها 5 سنوات..مرة الأم طلبته في كلام خاص وقالتله انا اتشكرك على حبك لصوفي بس انت بتخربها....فطلبت منه الحلاوة تصير مرة في الشهر او اذا مثلا سوت شي كويس في البيت يوعدها زوجي بحلاوة عشان تتحمس


وبس بربرت عليكم

الله يعين

رنيم..لا ما لحقت عليها...لاحظت مواضيع لها في صفحات الملتقى القدييييييمة مرة...

شاكرة اختفت شهور بس الحمدلله رجعت على خفيف دحين......حنيني انا عارفة الوضع معقد لما يرجع الواحد...ولسه التأقلم وترتيب البيت وتنظيم الأولاد على الاستقرار من اول وجديد غير العزايم والسلامات اللي مالها اول من آخر...بس يعني هه طلي علينا اقلها نطمن :26:

خوخة جزاك الله خير على الحديث :26:

وهذا الحديث كمان دائما اقول هذا الدعاء لمن ما يجيني نوم واكرره الين ما انام..

عن زيد بن ثابت قال شكوتالى رسول الله صلى الله عليه وسلم ارقا اصابني فقال:
(قل اللهم غارت النجوم وهدأت العيون وانت حي قيوم لا تاخذك سنة ولا نوم ياحي يا قيوم اهدئ ليلي وانم عيني)

وكنت اقوله لجدتي الله يرحمها لمن ما يجيها نوم تناديني وتقولي يا خوخه دعيني الدعاء اللي يجيب النوم..
الله يرحمها وينزل على قبرها الرحمه والنور

شكرأ بشاير انا بحاول اني امسك اعصابي بس التربيه مرررررررررررررررررررررره صعبه وان شاء الله لمن يجي البيبي تتذكري كلامي