ام الغوالي هههههههههههههههه
حكايتك تضحك فكرتيني بحكايه صارتلي..
انا عشت كم سنه من طفولتي في امريكا كان الوالد يكمل دراسه هناك..
ف كانت وحده من البنات في المدرسه معانا شردت من بيتها عشان اهلها زعلوها ..
..
لمن رجعنا السعوديه فضلت الحكايه في بالي وكنت اقول اذا امي او ابويا زعقوا عليا اشرد من البيت زي ديك البنت..
..
ومره كنت مررررررره معصبه وقلت خليني اشرد وكان يوم اجازه وابويا مسكين نايم في البيت يبغا يروق من العمل والهم رحت كتبتلهم رساله وحطيتها على الطاوله واخذت فرشة اسناني في شنطه واشياء مالها لزمه وخرجت من البيت!!
..
وجلست امشي في الشوارع امكن الساعه 6 او 7 صباحا..
وفكرت قلت خليني اروح عند ستي ام امي اجلس عندها..
بس ما اعرف الطريق!!
وكنت مره صغيره..
قلت ارجع البيت..
..
وشافني واحد راعي تاكسي وجلس يراقبني ومشي ورايا بالتاكسي بهدوء وانا خايفه ودموعي تنزل خايفه منه بس ما بدي اجري..
وكنت ما اعرف الا اني اقرا ايه الكرسي..
..
في الاخير خرج من السياره وناداني قلي:يابنت انت فين اهلك؟؟ فين بيتك؟؟
رحت بكيت واااااااااااااااااااااااع واااااااااااااااااااااااع وااااااااااااااااااااااع..
وديني عند امي وابويا ترا اشتكيك للشرطه..
واخذني على بيتي ودق الجرس ..
هههههههههههههههه
وخرج ابويا المسكين..وهو وجهه كله نوم..
ويقول خير ايش في؟؟
..
قال الرجال:بنتكم لقيتها في الشارع ابويا عيونه تبغا تخرج من محلها مو مصدق!!
ايش خلاني اخرج من البيت؟؟
شكر الرجال وطلعت البيت..
..
وانا ابكييييييي ابكييييييي خايفه من العلقه اللي راح تجيني..
بس الحمد لله تخيلوا مصيبه زي كذا سويتها ما انضربت ..
بس اخذت محاضره من امي وابويا الى اليوم افتكرها..لانها هزتني من جوه مع اني كنت صغيره..
امي كانت حتروح فيها من الفجعه..
..
بس الله يهديني وريتهم الويل لمن كنت صغيره.
اظن لو كنت ولد ما كان تعبوا معايا قد كذا!!
..
الله يستر من اطفالي ايش راح يسوو فيا..
..
وسلامتكم
الصفحة الأخيرة
الامل باالله... يلا ننتظرك... شوقتينا...
دريمنق... الله يرج عدوووووووك.... ههههههههههههه ... كان كملتي الدوووووور... :)