متهاوشة مع زوجي ومدري كيف احل الموضوع

احس اني مكتومة وتعبانة وماني طايقة نفسي وماني متحملة البيبي احس كل حركة توجعني
حتى اهلي ملاحظين علي تعكر مزاجي لأني ما قلت لهم اني متهاوشة معه ولا احب اقول لأحد اذا تهاوشنا بس من زود الضيقة والكتمة والتعب كتبت هنا لعلي اسمع كلام يفيدني ويطمني

يمكن يريدك معه عشان كذا يختلق سبب يعصب عليه لأنك ذكرتي إنه مش بخيل
خيبي ظنه ولا تتنرفزي وتضيعي لحظات اللمة الحلوة مع أهلك لأنكم بتتصالحوا خلال أيام فلا تضيعي الوقت في الزعل
تصرفي وكلميه كأنه ما قال شي 😂 ومتأكدة لما ترجع بيوديك تشتري كل اللي نفسك فيه للبيبي
بس انتي وسعي صدرك ولا تتضايقي بسرعة
ارسليله ( اشتقنالك أنا و ..... ) مدري إذا اتفقتوا على اسم أو لا وشوفي الرد كيف 😊😊

انتي بس عشان هرمونات الحمل وكذا النفسية ما متحملة
طولي بالك واستغفري ربك والأمور بتكون تمام التمام
الله يسخره لك ويسخرك له ويسهل لك ما بقي من الحمل والولادة
ملاحظة يا عسل / النرفزة تؤثر على نمو البيبي ويحس فيها، هدي نفسك واقرأي قرآن وبترتاحي وبيرتاح النونو الحلو

و عليكم السلام و رحمة الله
الله يتمم لك الحمل على خير و تقومين بالسلامة إنت و البيبي
بسيطة اذكري ربنا يا أختي الحامل وقت الحمل و خاصة مثل وضعك بالثلث الأخير مع ثقل الحمل تضيق أخلاقها و ما تتحمل و تتكدر أكثر من العادة ..
و زوجك الله يحفظه لك يحتاج قربك منه ، و يحب وجودك ، ممكن يفكر إنك بتتركيه طول فترة النفاس و من الآن بيتمسك فيك قبل ما يعيش لوحده ....! تفكير غريب لكن ممكن يصير لا تستغربي
عمومًا ارجعي له و بإذن الله تجهزين لطفلك مع زوجك و تفرحون بكل التفاصيل ، لكن لا تتركين للشيطان سبيل يفرق بينكم
و المهم نصيحة حتى يرغب زوجك بروحتك لأهلك أو بزيارتك لصديقتك أو لأي مشوار .. حلو ينعكس التأثير الإيجابي على نفسيتك .. مباشرة بعد رجوعك من مشوارك .. هذا يشجعه هو أكثر إنه يوصلك لمشوارك .. فهمتي علي!
وضحي له مثلًا بالمكالمة أو وقت رجوعكم بالسيارة إنه وقت جلستك يومين عندهم تغير نفسيتك و تزيدك شوق له و شوق لبيتك .. هنا يفهم إنه الموضوع لصالح علاقتكم بعكس لو وضحتي إنه يومين غير كافية و ما عندك رغبة بالرجوع لبيتك ، هنا للأسف بعض الأزواج يغار أو يفهم إنك نكدية أو ما يرضيك شيء ..... الخ
إن شاء الله أفدتك ... و سلامة خاطرك ❣️

الله يسعدكم جميع ويجزاكم خير ما تدرون قد ايش طمنتوني وريحتوني يمكن انا مو متحملة اي ضغط هالفتره بس برضو هو الله يهديه مو جالس يساعدني لكن الله يهدي الحال بحاول شوي ألين ولا اكبر الموضوع