حبى لك بيزيد :

السلام عليكم ورحمه الله وبركاتة أختى بسمة بصراحة كل الاخوات اللى ردوا ماقصروا فى النصائح لك وكمان مافى احد جاملك وقال انك معاكى الحق لانة انتهى بعد ماتهدى وتروقى وترتبى الاحداث زى ماكتبتيهالنا هتلاقى إنك غلطانة وحساسة زيادة عن اللزوم والحياة الزوجية مش بنعيشها كدة شوفى كل اللى هاقولهلك الاتى اولا حاولى ايام الدورة وقبلها تكونى هادية اشربى سوائل تساعد على الهدوء زى مغلى النعناع مثلا لاننا اكترنا بنكون متوترين فى الفترة دى وحساسين جدا لاى كلمة ونكبر اى موضوع مايستاهل ثانيا نفس النصيحة فى ايام التوتر العادية يعنى لو وراكى سفر او بترتبين لشى او لاحظتى انشغال لزوجك وعصبية مثلا يمكن من شغلة حاولى انتى تكونى هادية وترتبى افكارك وتمتصى الغضب فى البيت ثالثا اذا كنتى تعبانة ومريضة لازم يعرف زوجك انك تعبانة علشان يقدر حالتك بس مش تكونى تعبانة وعاوزة تروحى سوق دى اللى غريبة فعلا رابعا مافيش مشكلة لو كتبتى اللى عاوزاة منة زى ماطلب بس فى صورة خطاب رومانسى من زوجة لزوجها عاوزة تعرفة انها عاوزة تحس بحبة وحنانة بالعكس دة ممكن يقربة منك ويفهم انتى عاوزة اية بالظبط بطريقة رومانسية وظريفة اخر حاجة اختارى وقت يكون رايق فيه وابتدى كلامك بانك بتحبية وعاوزاة وازاى يفكر فى الانفصال وانك كنتى تعبانة ومش عاوزة تثقلى علية واعتذرى باسلوبك اللى انتى عاوزاة وفهمية انك بتحبى اهلة لان تصرفك ورفضك المتكرر ممكن يكون افتكر انك مش عاوزة تزوريهم الله يهديكى ويهدينا جميعا يارب وعلى فكرة اكثرنا بنثور لتوافة وحاجات بسيطة ونعند بس لما توصل لخراب البيت بنقف ونفكر غلطنا والا لا واحيانا نكون مش غلطانين بس دة زواج وعايزين الحياة تستمر وبنفتكر ساعتها المميزات اللى تساعدنا اننا نتجاوز المشاكل لا وفى بعض الاحيان بنتعذر احنا رغم إننا مش غلطانين حرصا على ازواجنا وابنائنا وزواج نتمنى ان يدوم إن شاء الله

السلام عليكم ورحمه الله وبركاتة أختى بسمة بصراحة كل الاخوات اللى ردوا ماقصروا فى النصائح لك...