السالفه ومافيها ولد اخوي.
حاب وحده ارمله عمرها فوق اربعين سنه.
وامس جاني وقال ياعمه ابيك بموضوع يخصني .
المهم صدمني لما قالي عن الموضوع وطلب مني اكلمها انه يبيها على سنة الله ورسوله.
وأخذ علي العهد ماأعلم ابوه وﻻ أمه الين يعرف موقف الأرمله من فكرة الزواج منه.
الحرمه كبيره بالعمر عندها 3 بنات وولدين وبنتها الكبيره متزوجه بعد وأصغر عيالها عمره 3 سنين .
ولد اخوي عمره اﻻن 27سنه توه صغير عنها . متوظف ومستور . لكن شلون جات فكرت زواجه منها مدري .
نصحته نخطبله وحده من بناتها قال كيف اتزوج وحده قلبي مايل لأمها.
بالنسبه للحرمه قصيره ومهتمه لشكلها وأناقتها في اﻻعراس دايم ملفته للأنظار لكونها أرمله. ومع المكياج مايبين عمرها للي مايعرفها .
الحين انا محتاره ايش اسوي .
اروح اكلم الحرمه وإيش حتكون ردة فعلها .
والمصيبه اذا وافقت وقالت ماعندي مانع . والله مايرده عنها غير الموت بعدين. ايش موقفي قدام امه واخوي.
واذا ماكلمتها بيزعل مني وأنا طول عمري مازعلته وﻻ زعلني . وانا الوحيده الي يفتح لي قلبه من زمان . وخايفه ازعله.
ايش اسوي احد عنده نصيحه تفيدني. وتطلعني من هالورطه . وهل تعتقدون ان الحرمه سحرت الولد ﻻسمح الله . ﻻن حالته معها موطبيعيه مره مره حاولت اثنيه عن الفكره بكى قدامي من فكرة التراجع وقطع قلبي عليه وبكاني على حالته.
ومدري ايش اسوي معاه .
نوره فريد @norh_fryd
عضوة جديدة
يلزم عليك تسجيل الدخول أولًا لكتابة تعليق.
وَرد
•
كيف عرفها ومال لها قلبه و تعلق فيها بجنون زي ماتقولي !!!!!
مناريتا
•
والله أنا اشوف انك ماتدخلين بذات بمواضيع الزواج اللي مافيها توافق سواء بالعمر او غيره عنده امه وابوه يتفاهمون معاه
وَرد
•
وَرد :
كيف عرفها ومال لها قلبه و تعلق فيها بجنون زي ماتقولي !!!!!كيف عرفها ومال لها قلبه و تعلق فيها بجنون زي ماتقولي !!!!!
ونسيت اقول لك
لاتتدخلي ومالك شعل فيه هو وخطبته
أيش يفكك من أهله لو عرفوا انك انتي اللي خطبتي له وحده جده كبر امه !!!
ريحي راسك و قولي له امور الخطبه والزواج عند امك انا ما اتدخل.
لاتتدخلي ومالك شعل فيه هو وخطبته
أيش يفكك من أهله لو عرفوا انك انتي اللي خطبتي له وحده جده كبر امه !!!
ريحي راسك و قولي له امور الخطبه والزواج عند امك انا ما اتدخل.
الصفحة الأخيرة