متوهقة وما تدري شلون تتصرف

السلام عليكم ورحمه الله وبركاته :27:

بتقولون وش نططها هنا لكن وش نسوى خلاص كبرنا وعقلنا وقلنا خلنا نصير حريم :icon33:

السالفة تقول انه من كم يوم وهالى تكتب على الكي بورد الحين في حيرة شديدة سببها شكها بانها حامل بعد انقطاع الدورة عندها لمده تقارب العشر ايام عن موعدها يعنى لى الحين عن اخر دورة شهر وزيادة فشككت بعمرى لكن خايفة اعطي نفسي امل فوق واتحطم

عاد وش سويت وصيت اخوى الصغير يروح للصيدلية واذا هو بالصيدلية يتصل علي من هناك وكملت الصيدلي وقلت عطه جهاز تحليل الحمل من الحياء الى فيني ما سالته شلون يستعمل ولا قدرت اقول لاى احد شلون خايفة من كثرة الاساله ومن السؤال عن النتيجة عاد فضيحة لو قلت خط وفضيحتين لو قلت خطين


المهم جاب لى الجهاز وحللت اليوم الصباح وبعد ما توضيت لصلاة الفجر طالعت بالجهاز الاهو خطين واضحات تماما :icon28:

الحين :icon33: وبعد كل هالمقدمة تعالو قولو لي وش اسوي بجد

- شلون افاتح زوجي وكيف اقول له ؟؟؟؟

ووش اسوى الحين علشان اتاكد وشو تحليل الدم هذا ووين اسويه وشلون

هل ممكن يكون تحليلي خطا وطريقتى مو صح وهذا الى لخبط الجهاز وطلع خطين بالغلط


:( شايله هم الى حولى ياربيه وش الاحراج ووشلون بيتقبلون الخبر انواع الحياء وتلون الوجه

بس الحين وش تنصحوني به يعنى متى اروح للدكتورة ؟؟؟؟ ووشلون اقول له خصوصا ان مقر عمله بعيد حاليا عني