متى آخر مرة شيكتي عليهم

السلام عليكم ورحمة الله وبركاته
متى آخر مرة شيكتي على جوالات عيالك ولا آي بادتهم
متى آخر مرة دخلتي لمواقع التواصل الاجتماعي الخاصة بهم ..
انستجرام ... تويتر ... فيس بوك ... الآسك ...الخ
.....؟؟
لاتستغربو سؤالي يا امهات ويا اخوات
اذا كنتي من النوع الي يعطي الجوال ولا الآي باد وينام ولا عاد يراقب وينتبه
فاقولك انتي في غفلة كبيييرة واتمني ما تفوقي منها على .... صدمممه
اولادنا واطفالنا آماااانه في اعناقنا
والله عزوجل سيسأل عنهم وعن ما قدمنا لهم من الحماية والآمان والمراقبة
كثيييير من العوائل تشتري لاطفالهم ايبادات خاصة بهم بل تعطي لكل طفل ايباد خاص باسمه يحمل عليه الي يبغاه والي ف الغالب العاب
والبعض مشكورا يراقب ويهتم ويفتش ويتأكد من ان كل شئ سليم
الباقي بل الأغلب لا .. يعني مدري هل يعتبر انه ثقه وان عيالي مؤدبيين محترمين .. ما رح يسوون شئ غلط ..
اذا كان دا تفكيرك يا ام ويا اب فاحب اقولكم انكم جدا مخطئين
انتم ترمون اولادكم لدنيا مفتوحة فيها كل شئ مرغوب وجميل ومبهر ومسلي
لا تعتقدو انهم مارح يجربو ولا يشوفو ويدخلو ويكتشفو بانفسهم كل شئ
قد تنصدمين لو اطلعتي على محادثة ابنك ... ولا شفتي لمين بنتك مسوية فلو بتويتر ولا انستقرام ...
ومارح اخلي فكركم يروح لبعيد هوا مو شرط يكون الخبث فقط اباحي وعري ..وجنس
الخبث له اشكال واشكال كثيييييرة ومتنوعة وقد تكون غير واضحة لهم
مثال احدى الصديقات تقول بنتها تتابع فرق كورية غنائية ومعجبة بهم وفي مرة شيكت على فيس بوك بنتها ووجدت صورة لاعضاء الفرق واثنين منهم يقبلون بعض ...
تقول انا اعرف انها تتابعهم وتابعت مرة معاها واستغربت من نعومة اجسامهم .. ومن المكياج الي يحطوه وهما كلهم شباب
قلت لها دا مو طبيعي .. ولما شفت الصورة فهمت ..
تتابع شوااااذ
هيا ما كانت تعرف لكن لما نبهتها توقفت عن متابعتهم
انستجرام مصييبة اخري
ليس البرنامج نفسه لكن الخيارات الي يتخذها المراهقين والاطفال وهما مو فاهمين
هما ينساقو وراء الموضة
الموضة كوري سأتابع كل كوري ممكن
الموضة كورة وراها
الموضة هندي معاهم
وبداخل الحسابات البلا والفجور
علشان كذا لازم مراقبة وتحميص وتدقيق وبيان للخطأ بل احيانا العقاب بسحب الاجهزة لو حصل عند
انا عن نفسي ضد اني امنع هذه البرامج لاني بنفسي استخدمها واستفيد منها
لكن مع انه نراقب ونشارك اولادنا فيها
نسوي لهم احنا الفلو .. نصادقهم بحسابتهم ونراقبهم من بعيد
لا نسمح لهم باغلاق الجوال ولا التاب بارقام سرية ...
نفتش بدون علمهم داخل حسابتهم والي مغلق منه لازم نفهم ليش .... خصوصا البنااااااات
احدى الامهات المنفتحين جدا سحبت ايبادات بناتها منهم وقالت الآيباد في هذا السن خطر ولاحظت امور مارح اسمح بها
تصوري وهيا جدا منفتحة
فالثقة في هذا الجيل مو ف محلها ابدا وهذا كلام امهات وآباء رأو باعينهم ابنائهم الي ماكانوا ابدا يتوقعوا منهم كذا لكن خلينا نقول حب الاستطلاع غلب عليهم وهما ضعاااف ولازم نعترف بدا الشئ

اتمني كل ام تشاركنا بطريقتها في حماية اطفالها من خطر هذه الاجهزة علشان نستفيد جميعا
وشكرا لكم