الشمعة1 @alshmaa1

عضوة جديدة

متى أقدر اعطي ولدي الحليب العادي؟؟

السلام عليكم يا أمهات جيل المستقبل

ولدي عمره عشرة شهور وزنه الحمدلله زين وصحته زينه

جربت معاه أغلب الأطعمه الصحيه طبعا وماعانى من أي آثار للحساسيه

حتى الزبادي صار لي أعطيه من أول ماصار عمره خمس شهور تقريبا ومالاحظت عليه أي تغيير أو حساسيه

ودي أعرف .. متى أقدر أعطيه الحليب الطازج مثل المراعي أو الصافي أو حليب الفراوله مثلا المعلب..

لأني تعبت معاه من أول ماولدت فيه للحين

تصورو إنه مايشرب غير ثلاث ارقام (90مل) ومرات قليله جدا يشرب اربعة ارقام(120مل)

احيانا اقول يمكن طعم الحليب الصناعي مايعجبه:09:

وللعلم ولدي مايرضع طبيعي ...للأسف الشديد...عين ماصلت على النبي..الحمدلله والشكر

أتمنى أحصل منكم على ردود تفيدني وتفيد كل أم جديدة ..

ومشكورين على تواجدكم ...

يلزم عليك تسجيل الدخول أولًا لكتابة تعليق.

تسجيل دخول

نشيد وطني • 17 سنة

اختي عن تجربه انا اعطيت بنتي الحليب العادي وكان عمرها سنه ..
كنت مسافره .. فظطريت اعطيها..
ولما رجعت رحت ع طووووووول للدكتور .. وهاك ياتهزيء فيني ..
ليه عطيتها .. حليب عادي ..
ومدري رجعتها على بليميل بلس 3 ..وللحين عليه..
يقول لانه مبستر ماينفع تعطيها.. الا بعد السنتين ..>>>>>> قصة حياتي ههههههههههـ

انتي طلبتي مساعده وانا قلت اللي عندي ..

يسعد مساك ويخلي لك ولدك يارب ونشوفيه عريس..

يالله حيها • 17 سنة

مدري حسب معلوماتي .. عادي بعد السنه .. بس الاخت نشيد وطني خوفتني !

لان قبل عمر السنه حليب البقر ممكن يسبب حساسية .. ولان الحليب العادي فيه بروتينات ودسم اكثر من اللازم بالنسبة لطفل رضيع ..

بس بعد عمر السنه الطفل يكون مستعد ..

الشمعة1 • 17 سنة

يالله حيها :

مدري حسب معلوماتي .. عادي بعد السنه .. بس الاخت نشيد وطني خوفتني ! لان قبل عمر السنه حليب البقر ممكن يسبب حساسية .. ولان الحليب العادي فيه بروتينات ودسم اكثر من اللازم بالنسبة لطفل رضيع .. بس بعد عمر السنه الطفل يكون مستعد ..

مدري حسب معلوماتي .. عادي بعد السنه .. بس الاخت نشيد وطني خوفتني ! لان قبل عمر السنه حليب...

مشكورين خواتي على المرور والمساعدة

لكن نشيد وطني خوفتيني الصراحه

كنت انتظره يكمل السنه وعلى طوووول اعطيه الحليب العادي

بس الحين شكلي وراي مشوار طويل على مايكمل ولدي السنتين

الله يخلي لكم عيالكم وتفرحون فيهم ياارب