السيريلاك ابعدي عنه لين تكمل ست شهور الحين ابدي بنهايه الرابع اعطيها كوسا مسلوقه ومهروسه كويس اعطيها شوي شوي ثلاث ايام وانتبهي اذا تحسست منها و لا لا وبعدها اعطيها جزر مسلوق وكل ثلاث ايام اعطيها نوع وابدي خضا قبل الفواكهه عشان الفواكهه حلوه راح تترك الخضا لوبديتي بالفاكهه اما الزبادي انا اعطيه صغاري بعد السبعه شهور

لا ياختي موًكذا

موً كل يوم شي ؟ غلط

اول شي لازم تعطينها نوع واحد فقط مدة اربع ايام وتراقبينهل تشوفين صار تحسس ولا لا ؟؟
يعني عطيتيها كوسه اليوم ملعقه صغيره بكرا ملعقه بعده ملعقه ونص واليوم الرابع ملعقتين وتشوفين
اذا ماصار اي تحسس اعرفي انها ماتتحسس من الكوسه خلاص نبدا بالبطاطس
والجزر
طبعا الجزر ابد ماتعطينها كثير لان الجزر يحسس
انا كنت اضيف اقل من ربع حزره مع الكوسه او مع البطاطس بعد ماتاكدت انه مايتحسس من شي

والسريلاك انحاشي عنه
وربي ولدي كان ياكل الخضار لين عطيته السريلاك خلاص كره الخضار

وكل مابديتي بنوع جديد لازم تجربينه كم يوم
طبعا اول شهر كوسه وبطاطس بعدين جزر وبعدها بشهر تبدين بالتفاح واذا صارت ست شهور ابدأي بالموز شوي شوي

على سبع شهور تبدأين تضيفين للخضار صدور دجاج مسلوقه ومفرومه
وبعدين تبداين تضيفين صفار البيض الصفار بس
بياض البيض ينعطى بعد سنه
الزبادي مانصحك فيه مادري مو كثير ناس يتفقون عليه


الاكل لاتضيفين عليه ملح الا بعد سنه
ولاتذوقينها من طبخك لانها راح تحب الملح وتكره الخضار العاديه

اما بالنسبه لمتى تبداين
انا اشوف نص الرابع كويس
وعلىً حسب بنتك
اذا شفتيها تسند رقبتها ولو شوي
وشفتيها تناظر الاكل خلاص عطيها علشان ماتشتهي وبعدين تكره الاكل

اتمنى ماقصرت معك بالمعلومات اللي عندي
والله يخلي لك بنوتك

انا عندي كتيب من المستشفى ومكتوب فيه
الاكل لما يصير العمر6شهور
وتعطيه اشياء مهروسه مثل
البطاطس
تفاح
موز
بعض الأطعمه التي تميل اكثرمن غيرهاللتسبب في تحسس الجسم
لعمراقل من8شهور_اللحم وصفارالبيض ومنتجات الصويا
9شهور_الجبن ،اللبن،الزبادي،الحليب وبعض البقوليات
قبل سن السنه_بياض البيض والسمك والطماطم والفراوله

بالنسبه للسيريلاك نصحني الصيدلي ماعطي ولدي ب البدايه الأرز لانه ثقيل ع المعده

الله يحفظ لك بنتك