انارايحه لها من خمس سنوات اغلبها اجانب وماهيب ذيك الزود

والله انا اسمع به وودي أروح له
وياليت تذكرون لي موقعه هي حي الوروود بس وين بالظبط
أتمنى تردوووون علي ودي أروح له بالإجازه

الله ذكرتينا بايااااام زمااااااان


الحين مع هالحر يادوب تروحين مكان مكيف وعسى ترتاحين مع هالجو الله يرحمنا

انا اخر مره رحت لها وانا بنت يمكن من عشر سنوات او اكثر

والحين يوم جاووني عيال ما اروح معهم الا البراجون ابرد واحسن وحريصين على اللبس يعني لو يشوفون وحده لابسه عاري على طول يمنعونها تدخل او يخلونها تجلس بعبايتها وتفتيشهم مره شديد على الجوالات

الله يستر عليناوعلى عيالنا
اش لكم بالملاهي المفتوحة حر وغبار
من زين جونا

خلكم بالملاهي يالمسكرة بالمجمعات ابرد وعليهم صيانة

انا الاسبوع الي راح كنت في ملاهي الروضه بصراحه اعجبتني انا وعيالي وحتى خواتي اعجبتهم الدخول 3 ريال والالعاب اسواره 40 ريال ومسويين خصم 35 ريال بس فيه العاب لازم تقصين تذاكر مثل الشلال قمة الاستغلال فيها محلات واكشاك ومطعم هرفي صلحوها وحطوا اماكن للجلوس ثيل وكبيره والعابها روعه من زمان عنها من 7سنوات ويوم رحت اعجبتني لكن اقولك الناس اذواق لولا اذواق الناس لبارت السلع اتمنى اني افدتك واي سؤال انا جاهزه.