متى استعبدتم الناس وقد ولدتهم امهاتهم احرارا

السلام عليكم ورحمة الله وبركاته

هلا وغلا بخواتي وإخواني الاعضاء بصراحة استغربت وانصدمت من موضوع يتكرر وزاد في

بداية رمضان مع أني من دولة خليجية لكن ما شفت هذا الشي عندنا ولله الحمد ويش هذا

خادمة إندونيسية للتنازل 20 الف ريال ...... خادمة فلبينية تحب الاطفال ...... الخ 27 الف

خادمة اثيوبيه تشتغل عمل المطبخ ..... وطبعا ذكر عمرها وطولها وشكلها بقيمة كذا.....

ياويلي لا وبعد وحدة من الاعضاء كانت حاطة موضوعها في مكان ردة عليها وحدة قالت

لها ليش ما نزلتي موضوعك في المزاد اه يا قلبي وبعد لهم مزاد الله المستعان ذكرتونى

بالأفلام العربية القديمة لم ايحطون الجواري والعبيد في سوق النخاسة ويدللون عليهم

الله يهديكم هذا يسمونه الاتجار بالبشر .... حبايبي اذا هذا الخادمة او العاملة ما جأت

على حسب ما طلبتي من مواصفات العمل ممكن المكتب ايردها ويجيب لج وحدة ثانية

واذا تبي تشتغل وما تبينها ممكن نقل الكفالة ولكن بنفس المبلغ الي انتي جبتيها فيه

لا زود ولا نقصان وهذا الي نتعامل فيه عندنا ..... ولا مرة سمعت عن تأجير خادمة

بالساعات من قبل الاشخاص لا ممنوع لكن فيه شركات تتعامل في هذا التخصص

وعليهم رقابة من الدولة .... لكن بهذه الطريقة الي أنا شفتها بصراحة عجيبة

أسفة على هذه الكاملة لكنه استعباد أبيع وأشتري في هذا الإنسانه الي الله حطها عندي

وأصير أنا وادهر عليها والله حرام ما أبيها رجعتها المكتب وأرجعت بلادها معززة مكرمة

وارد وأقول متى استعبدتم الناس وقد ولدتهم امهاتهم احرارا