متى اعتمد على بنتي واخليها بالبيت وانا اطلع مشواري

ويننننننننننننننننننننننننكم

والله يوم اني بعمرها كنت اجلس انا واخواني الاصغر في البيت وامي تطلع وطبعا فيه شغاله بس ما كنا نعتمد عليها كثير يعني كنت فاهمه بس الصغير كان مع امي يعني على حسب البنت ان حسيتي انها فاهمه وتعرف تتصرف اتركيها ونبهيها يعني حنا كنا مستحيل نفتح الباب لحد ابدا حتى لو الجيران وان شفتيها ماتتحمل وما يعتمد عليها خوذيها

على حسب البنت اذا يعتمد عليها او لأ. انت تقدرين تحددين وتعرفين بنتك اكثر منا السالفة مو سالفه عمر

الله يخليها لك يارب ..

انا اشوف مو قبل 14 او 15 سنه

11 سنه صغيرة لو يصير للاطفال حادث بالبيت لاسمح الله ما عرفت تتصرف بالذات لو في رضيع في البيت

تراها طفلة لا تحملينها شي فوق طاقتها

عطيها مسؤليات بسطية عشان تتحمل المسؤلية في المستقبل ..
يعني ممكن تخلينها مع اخوانها في البيت بس في حالة وجود الاب عشان يتصرف لو حادث حريق اي شي لا سمح الله

بس حرام تخلينها لحالها هي واخوانها في البيت لحالهم حتي لو ساعة وحدة لو يجيهم شي لا سمح الله ماراح تسامحين نفسك

والله احس عمرها صغير مرره على تركها بالبيت لحالها ومسئولة عن اخوتها
انا بنتي عمرها الحين 16 سنة .. وتوني بادية اطلع واخليها عند اخوانها
يمكن اكون حريصة شوي وموسوسة ..بس الحرص في رأيي احسن من التراخي والتهاون