متى اكل بنتي

خلاص ابدأي أكليها سيريلاك واسلقيلها خضروات وفواكة

بنتك بسم الله ماشاءالله خلاص كبيرة
شوفي يا قلبي بقولك ايش تسوين بالضبط
الصبح أول ما تصحى تكون جوعانه, عطيها سيريلاك بس يكون خفيف, لانها لسه مو متعوده و مع الوقت خليه ثقيل شوي.. خليها تاكل لين ما تشبع و بعدها بساعة او ساعة ونص عطيها رضعة كاملة يعني الكمية يلي متعودة عليها,, بعدها بتنام قيلولة
خلال القيلولة جهزي لها غداها, خضار مسلوقة مع شوي رز مصري او مكرونة, و اضربيه بالخلاط لين يصير ناعم مثل الكاسترد (الملح و البهارات ممنووووعة.. بعد الشهر السابع ممكن تدخلين شوي دجاج).. بعد ما تصحى بشوي غديها لين ما تشبع, و بعد الغدا بساعة او ساعة و نص عطيها رضعة الحليب.. بعدها بتنام القيلولة الثانية
لما تصحى من القيلولة بشوي عطيها عشاها.. ممكن سيريلاك, او فواكه مسلوقة و مضروبة بالخلاط, او موز مهروس.. و بعدها بساعة او ساعة و نص رضعة حليب و بس
ان احتاجت حليب قبل النوم رضعيها مرة ثانية و بس

الاشياء الممنوعة قبل عمر السنة:
- الحليب البقري و مشتقاته
- العسل
- الفراولة
- الأسماك و المأكولات البحرية
- الملح و البهارات و الماجي
- المكسرات بأنواعها و زبدة الفول السوداني

اتمنى أكون افدتك حبيبتي
و عقبال ما تفرحين فيها عروس يارب

نسيت أقولك أن اول الايام بيجيها أمساك و ريحة البراز بتصير مقززة هههههههه بس طبيعي لانها بدت تاكل.. الامساك بيخف بعد حوالي اسبوع لما تتعود معدتها عالأكل, شربيها ماي كل فترة و فترة
أما ريحة البراز للأسف بتستمر للأبد ريحتها زي حق الكبار هههههه

اطا

الله يجزاكم خير الجزاء

الله يصلح لكم عيالكم ويرزقكم برهم