متى انسى ان زوجي تزوج علي ادعولي

زوجي تزوج علي من ثلاث شهور وانا مو قادره اتحمل الوضع الجديد واللي تزوجها يابنات وحده كان يحبها من قبل لا يتزوجني يعني يعرفها قبل لا يعرفني وطبعا خطبها بس اهلها ماوافقوا عليه وهي تزوجت ومو مرتاحه مع زوجها وصارت هي و زوجي مع بعض مكالمات من ورى زوجها ومن وراي اكثر من عشر سنين مكالمات مع بعض واول ماتطلقت وخلصت عدتها زوجي تزوجها
نفسي اتطلق منه مقهوره منهم الاثنين حاولت اني اعيش معاه واتقبله بعد زواجه مو قادره
على فكره انا قبل لا يتزوج علي احبه واموت فيه بس الحين حاقده عليه ولسى احبه بس حقدي اكثر من حبي ونفسي انتقم منهم
المشكله عندي عيال هذا اللي كاسر ظهري وبنفس الوقت صعب اطنش واعيش حياتي وهو قدام عيني مبسوط معاها والله محتاره وش اسوي


مشاكل كل يوم والثاني بسبب هذا الموضوع اوغيره اصلا نفسيتي ماتتحمل أي شي بسرعه اتنكد مجرد افتكر انه تزوج


على فكره عندها عيال واكبر مني بكم سنه
بس للاسف زوجي يحبها ويموت عليها وهذا الشي متعبني اكثر لا تقولون عيشي حياتك وانتبهي لعيالك وماعليك منه ترى والله صعب ثلاث شهور حاولت بس ماقدرت الغيره ذبحتني ونكدت علي وعلى عيالي كيف اتناساهم واعيش حياتي كيف والله عجزت واذا حاولت يومين بس ارجع انتكس واعمل مشكله عشان اطلع القهر اللي في قلبي


اعذروني عاالاطاله بس حبيت افضفض ولا تحرموني من نصايحكم ودعائكم فانا محتاجه لهم