متى تأقلمتوا على ازواجكم وتعودتوا على فرقا أهلكم ؟؟

وآنا بعد مثلك
ياليت المتزوجات يتفاعلون معنا ويقولون لنا وشلون
طاوعهم قلوبهم يتركون بيت الاهل ويروحون مع أبو الشباب ويتزوجون ماتصور حياتي بدونهم صح أني أبي أتزوج بس الى تذكرت أني بفارق البيت الي عشت فيه وأنا بنوته صغنونه يضيق خلقي
مدري ليش أنا وأنتي بس الي يصير فينا ولا البنات مثلنا ننتظر تجارب البنات

انا متزوجه من 5 سنوات بس اللي يهونها ان اول سنه جلست عند اهلي علشان اكمل دراستي وحاولت خلال هالسنه وخصوصا باوقات الاجازة مع زوجي اني اتعود شوي السنه اللي بعدها شوي وشوي وهكذا بس مهما كان الجلسة مع الاهل متعه حقيقية وحتى الضحكه فيها تحسين تطلع من قلب والاكل له طعم ثاني والنوم انام من قلب

وكمان المدينه اللي ساكن فيها زوجي قريبه من مدينه اهلي فمو حاسه بذاك الفرق كلما اشتقت لهم رحت


وعلى فكرة ترى انا من قبل كنت شايله فكرة الزواج من راسي بس سبحان الله مدري شلون صار الموضوع وكل شيء قسمه ونصيب

شوفي ياقلبي انا لما تزوجت سكنت بعييييد عن اهلي وحبيت زوجي وتعلقت فيه حيل
مع ذلك فيني غصه اللي هي فقد اهلي ولما اروح لهم اجلس اسبوعين واذا جيت اروح لبيتي
او قبل بيومين تجيني غصه وهم وضيقه صدر وبس اهاوش على زوجي لعشان يقول خلاص
لاتجين جلست على هالحاله سنتين الين جبت ولدي وبعدها الحمد لله تاقلمت على الوضع
واول كنت لو بس يقول لي زوجي سوي لي عشا وانا مالي مزاج اقلبها نكد وصياح واحس اني
مظلومه ومافي احد مثلي بس الحين لا ياربي لك الحمد تعودت
واشوف اختي تزوجت وبيته قريب لاهلي وما تجي الا بالاسبوع مرتين طبعا بمزاجه تقول مشغوله وادرس وكذا
يعني هي تساهيل من رب العالمين ولا تفكرين بهالمواضيع

انا مثلك الكبيرة .....

وما اتأقلمت عالحياة الجديدة من الزوج للبيت لكل شئ الا بعد سنه .....

وكانت السنه الاولى اغلبها ضيقة صدر ....

واللي كان يقهرني لمن اكمل اهلي والاقيهم مجتمعين امووووووووووووت من القهر ...

وللمعلوميه كان فيه فترة ملكة وهو ولد خالتي بس بعد الزواج كنت احس انه غريييييييييييييب ليه ما ادري ؟؟؟؟؟؟

اما بعد السنه ........

احس ارتحت كثييييييييييير وكل ما دقوا اهلي وقالوا تعالي .........

اقولهم بسلامتكم ... ياحلات بيتي والجلسه فيه ..

وزيارتي لهم اسبوعي .........



وخذيها نصيحة مني ........

اتزوجي واتوكلي ومافي شئ يخوف ........

ياحلات يوم تدخلي على اهلك بولدك والا بنتك .......

وكلن يتضارب عليه بيأخذه ........

وهذا علمي وسلامتك ........:26:

انا اول سنه كان اغلب الوقت بالليل مخدة مبلولة بدموعي وكنت انتظر والشهر التاسع علشان اروح لاهلي واولد وزدة فوق الاربعين وتمنيت ما ارجع ...يمكن لاني ما احب التغير وما اتاقلم بسرعة واصلا ما كنت مصدقة اني متزوجة وعندي بنت كنت حاسة اني في حلم وما صحيت منه...وكنت استحي منه الى بعد الولادة راح الحياء خخخخ وطالت اللسان
اول مرة زاروني اهلي طلعو من عندي وانا جري على غرفة الضيوف وبكاء ولما جاء شافني انفجع صار يصارخ ايش فيك تعبانه ؟؟؟
فيك شئ ؟؟؟
موحاس فيني آآآآآه منه
المهم ثاني سنه بديت اتجرأ عليه شؤي شؤي ....لا تفكروني ما كنت احبه ويحبني الاهو طاير فيني عند الكل بس ..احيانا قدامي يسوي ثقيل ..بس انا كنت حساسة ...
يوة ذكرتوني بالذي مضى المهم انا حاليا شخصية ثانية وكله بسبب عوامل التعرية في الحياة الزوجية خخخخخخخخخخ
وطبعا زيارات اهلي من اول سنه ما اقطعهم وكانت كثير ..بس والله الناس ما يخلونك بحالك ...دايم يتكلمون بسبب علاقة زوجي واهلي مع بعض كويسة فالكل يحسب جياتي وروحاتي