متى تبدون تقضون للبيبي + قصه قصيره بالداخل🤗

السلام عليكم اعطونا تجاربكم متى تبدين تقضين لنفسك وللبيبي وهل سبق توهقتي ولدتي فجاه مثلي ههههه ب اول حمل لي كنت باخر يومين بالثامن قلت لامي يالله نروح نقضي ومتحمسه مره قالت لا اليوم معزومين خليها بكرا زعلت وطفشت ولما صار بكرا الصباح كنت نايمه عند اهلي فجاه صحيت اشرب مويه واحس ب الم قوي مرره من. شدته م اقدر أوقف اجلس على ركبي شوي واثاريه الطلق يروح ويجي رحت اصحي امي قالت لا انتي توك المهم قلت الم قوي وصحيت ابوي وعالمستشفى وادخل الطوارئ سوت لي فحص وسونار قالت 3 سانتي والجنين جالس عمليه حااالا وطبعا زوجي مايعرف شي على أساس انا رايحه زياره لاهلي خميس وجمعه وكنت قبل ما اطلع من بيتي منظفه كل شي تنظيف عميق كأني حاسه اني بطول عن بيتي وشلت مكنسه كهربائية من تحت الى شقتي فوق واتوقع هذا السبب الإجهاد المهم ابوي ياعمري وقع على العمليه وجبت بنتي وزنها كيلو ونص ياحياتي بس كانت مفاجاه لزوجي رجع من صلاة الجمعه ويجيه اتصال زوجتك ولدت ههههه المهم راحت امي ترسل العاملات يجيبون ملابس للبيبي كان المستشفى فيه تحت محل تجهيز مواليد نحسب انها بتطلع معنا وجلست بالحضانه عشرين يوم والحمدلله طلعت بالسلامه المهم اني صرت اقضي من بدري شوي لنفسي وللبيبي من السابع لاني من بعد بنتي اجيب عمليات وما أخذ كل التاسع ونفسي الحين اسوي توزيعات وتجهيزات بس بعض الحريم مايشجعوني يقولون تضمنين ان البيبي بيعيش ياما حريم قضوا وتخسروا واتحطم😩 وبس