بنات انا لازم انصحكم وترى العين حق

انا لما تزوجت حملت بعد 6 شهور وفرحتي ما كانت توصف ..

في البداية ما علمت الا زوجي طبعا وامي وابوي واخواتي فقط بحم ان زوجي امه توفت الله يرحمها وما عنده اخوات..

وكنت عال العال..

ولما دخلت الاسبوع السادس في الشهر الثاني علمت زوجات اخوان زوجي ..

وفي اليوم اللي بعده سقطت على طول ..

والحين مر على زواجي سنة و6 اشهر وماحملت ( ادعولي يابنات امانة ) ..

لكن باذن الله اذا حملت ماراح اعلم الا زوجي وامي وابوي واخواتي الين اتم الرابع على الاقل ..

وانصحكم يابنات ان ( تستعينوا على قضاء حوائجكم بالكتمان ) ..

وطبعا قراءة المعوذات مطلوبة الى جانب الحرص من الامور المسببة للعين فالعين حق ..

يابنات مو كل شئ نحطه على العين والحسد
صحيح الحسد موجود
لكن في شئ اسمه قضاء الله وقدره

اختي بنت اجاويد الله يعوضك ان شاء الله قريب بس ثقي انه ماله عمر هالجنين انه يجي للحياة
يعني لو ربي كتبله عمر وانه يجي الدنيا هل من المعقول العين والحسد تكون السبب في سقوطه طيب وين العمر اللي انكتبله :26: ان شاء الله قريب تبشرينا انك حامل :26:

اختي بنت اجاويد :
الله يعوضج خير يارب ..ولا يحرمج ان شاءالله من الاطفال ..
الافضل ان يتم كتمان الحمل لين الشهر الثالث يعني على الاسبوع العاشر
او الاسبوع 11


اختي ميمونه :
العين حق ..وصدقتي اختي فيما قلتيه بس الانسان لازم يتوخى الحذر
والرسول صلي الله عليه وسلم قال ( واستعينوا على قضاء حواجئكم بالكتمان )

والله ضحكتوني يابنات هالكثر تخافون من الحسد ..المكتوب مافيه منه مهرب ...والله الحافظ ..انا عن نفسي أخبر اهلي واهل زوجي أول ما أحمل والحافظ رب العالمين ...

هلاا اختي باستا ( اذا مو غلطانة في الاسم )
صحيح ياعمري العين حق والله يكفينا من شرها
بس صدقيني اذا بتحطين في بالك الحسد والعين ووو والله ماراح ترتاحين في عيشتك فوضي امرك لله وهو الحافظ
وانا مؤمنة تماما بالحديث
( اعلم ان الناس لو اجتمعوا جميعا على ان يضروك بشئ لن يضروك الا باذن الله ) << فيما معنى الحديث

وانا احيانا ( في النادر ) اخاف من العين بس موفي الحمل يعني احس تقريبا كل الناس حملوا وولدي يعني هو مو شئ غريب ولا شئ يميزني انا لوحدي لا اغلب الناس
الله يكفيني من كل شر ويجعل مكتوبنا خير :26: :26: :26: