متى تخبرين ام زوجك بهذا الخبر ....؟؟؟

والله من فرحتها تقول كذا وبعدين لو الوحدة تتحصن زين وتستودع اللي ببطنها مايضرها شيء من رأيي أخبرها ليه اخبي عنها دامها بتفرحلي احسن من ام زوج تخبيء وتحرص تحسين ماتحبك وتعتبرك غريبة

عادي قلبي من حقك تكتمين حملك الين يثبت وتعدين مرحلة الخطر
واذا ما عرفت ام زوجك الحمد لله ما بتنهدم الدنيا ولا بيصير شئ
لو منحرجه منها بعدين تقول ليه ماخبرتيني قولي ما قلت لأحد حتى أهلي لأني كنت تعبانه وماني عارفه بيتم او لا
فما حبيت أحد يعرف حتى اتطمن من ثباته
لما تقولين كذا يا انها راح تعذرك وتقدر موقفك
او تفهم انك ماتحبين امورك تنتشر ويدري بها الكل الا لما تتم على خير
اما لو زعلت فصراحه هذا موضوع ثاني يعني من جد مو من حقها
ولا يهمك لاتشيلين هم اللي مثلها يبي لهم وقت ومواقف حتى تعرف طريقتك وانك ماتحبين اخبارك تنتشر
خصوصاً بمثل هذا الشئ يعني اشوفه من حقك تتكتمين حتى ربي يتمم المراحل الأولى ويستقر الحمل
عني شخصياً ما احب انشر كل شئ عني سواء حمل او غيره في البدايات
وفيه مقوله مدري هي حديث او قول لأحد الصحابه ما ابي احرف استغفر الله لكنها تقول ( استعينوا على قضاء حوائجكم بالسر والكتمان ) منها الحمل وغيره
ما نقول كتمي الين تولدين لا بس اقلها حتى تعدين اربعه او خمسه شهور

الله ييسر امرك ويتمم حملك على خير

وش دععووه اكثرمن ١٨٠ مشااهده ولا فيه الا رديين؟؟؟؟؟؟؟؟؟

من حقك تتكتمي عالخبر مو شرط خايفه ع نفسك بس رغبتك ماتبغي حد يعرف
انا اقول لماتصيري فالثالث

يااختي ترى حتى القطاوة تحمل وتولد وش هالانجاز اللي سويتيه عشان خايفة يدرون الناس تراه مو شطارة منك هذا من فضل ربي وحصني نفسك وخلاص
نصيحة : زي ماتأمنون بالحسد آمنو بقول الرسول احفظ الله يحفظك