بسم الله الرحمن الرحيم
السلام عليكم ورحمة الله وبركاته
عانس ... ياعانس ... متى تختفي هالكللمة من قاموس مجتمعنا ومن عقليات بعض التفوس المتغطرسة ؟؟
في المنتدى ياعانس في الاماكن الاخرى عانس في الجلسات اووه عانس لاتتلكلمون عندها وو... الخ طيب الى متى تبقى هذه الكلمة السوقية منتشرة في مجتمعنا وللاسف على السنة بعض المتعلمات التي تعلم في داخلها ان هالكلمة قوية وجارحة ومع ذلك اذا وجدت متنفسا لها تطلقها على غيرها بدون ماعاة مشاعر او احساس او ضمير يؤنبها
انا الحمدالله متزوجة لكن الاحظ في اغلب الجلسات والاماكن خاصة المجتمع النسائي فلانة عانس فلانة طايحة بكبد اهلها فلانة ماراح تتزوج فيها وفيها ... الخ طيب الى متى هالتجريح والاستخفاف بشاعر الغير
المتاخرة عن الزواج مو هي الي منعت عن نفسها الزواج ولا هي الي قالت مابي اتزوج ابغ اتاخر في زواجي ووووو باي حق نجرحها ونحسسها انها غير عن العالم
حتى في الجلسات العائلية يتعمدون الحديث في امور خاصة من اجل احراج من لم تتزوج او طردها من الجلسة او او او
على سبيل المثال اعرف وحدة ربي ماكتب لها الزواج ووصلت الاربعين وربي بلاها بحريم اخوان السنتهم مثل النار تحرق بشدة ويدقدقونها بالكلام بالرغم انها ليست ضعيفة بامكانها اخذ حقها والرد عليهن لكنها تترفع عنهن حتى لاتثير السنتهن اكثر واكثر
لدرجة ان احداهن بكل وقاحة عندها بنت رضيعة وحضرتها مو قد المسؤلية وتربية عيال بس شاطرة للزينة والحش بالناس قالت لاخت زوجها قدام سلفاتها الباقيات قومي ياعانس غيري للبنت حفاظتها .. شفتم كيف الوقاحة مو ناقص الا تقول واطلعي نظفي بيتي هنا بس البنت مسكينة ماعاد تحملت وشرشحتها وماتنلام الواحد ينجرح مرة ويعديها لله تعالى لكنهت تنجرح مرات لا لا والف لا فقامت وقفتها عند حدها وصارت مشكلة بينهم النتيجة ان زوجة الاخ المصونة حرضت اخوها على اخته وسببت بيين الاخت واخوها شررخ كبير بسبب لسانها وعدام احترامها مشاعر الاخرين
وهنا للاسف تطلع المتاخرة في الزواج على مافيها من تعب نفسي جراء هالنفوس المريضة تطلع هي الغلطانة وواجب عليها تخدم وتسكت وتنطم وتطلع ووو طيب وبعدين الى متى هذه المهزلة ؟؟
موضوع في المنتدى هنا يتحدث عن طلب جامعيات الازواج التعدد بحجة الشرع حلل اربع المشكلة ليست في الموضوع بل ببعض الردود الجارحة التي لاتنم الا عن تربية وبيئة صاحبتها
شدني رد وحدة تقول ان العوانس كما تقول هي بكل استخفاف انهن طايحات بكبود اهاليهن .. لهالدرجة التجريح بالاخرين اصبح شي بسيط مثل العلك في الفم هذا وزوجها ماتزوج وتسب وتشتم وتجرح اش حال لاتزوج اش بتسوي ؟
لاتقولون لي لهل حق تخاف على زوجها وتغار عليه ياحبيبتي صحيح هالشي لها ومن حقها تدافع عن بيتها وزوجها بس بادب واحترام وذوق وعدم التجريح بالاخرين لان لو ربي ماكتب لها الزواج وجات وحدة وقطت عليها كلمة ياعانس كان بتقوم الدنيا ومابتقعدها فليش الي ماترضينه على نفسك ترضينه على غيرك ؟
احترمي نفسك واحمي زوجك وبيتك بعيد عن التهجم عالاخرين وتجريحهم حنا في مجتمع مثقف ومتعلم ماحنا في مجتمع الفاظه سوقية
ثم ان اغلب الي يتابعون المنتدى بنات ويمكن فيه وحدة متاخرة في الزواج تتابع تفك عن نفسها تجي وتشووف هالتجريح وهالكلمة هي انسانة وزينا زيها مو جاية من عالم اخر اوزنوا كلامكم خاصة الي عندها غيرة زايدة على زوجها ومستعدة تدرعم في المنتدى يمين وشمال بس عشان لاحد يقرب من زوجها
زبدة الكلام ماكتبت هالكلام الا اتمنى من بعض الي يتلذذون باطلاق هالكلمة على بنات خلق الله انها تحط نفسها مكانهن وتشوف ياترى بترضى احد يجلرحها فيها
اسال الله العظيم ان يزوج بنات المسلمين ويستر عليهن وينصر المضلومات فيهن على من اذاهن واعتدى عليهن بغير وجه حق
ادري طولت عليكم بس من جد قاهرتني هالكلمة والتجريح باللخرين بظروف مالهم يد فيهااااا
محبة السهر @mhb_alshr_1
محررة برونزية
يلزم عليك تسجيل الدخول أولًا لكتابة تعليق.
+ ام ادم
•
يسلمو
ماقصرتي على كلامك والله يجعل نيتك الطيبه تدخلك الجنه من غير حساب
صدقيني الدنيا دواره
والحرمه الي كذه تلقينها عايشه حياتها مش مرتاحه واذا شافت وحده متاخره او مطلقه تزكي نفسها انها افضل
صدقيني الدنيا دواره
والحرمه الي كذه تلقينها عايشه حياتها مش مرتاحه واذا شافت وحده متاخره او مطلقه تزكي نفسها انها افضل
r1ksa
•
شكرا لك عالموضوع
في الف رد ورد على اللي تستخدم هالاسلوب بس هو يعتمد على مين تردين
احيانا المجلس ما يسمح بالرد المناسب
واحيانا تكون هالانسانه اوضع من ان يرد عليها
عموما في مجتمعي ما احد يستخدم هالالفاظ الحمدلله
و اللي تستخدمها غالبا انسانه معروفه انها سفيهه .. بصراحه اتكلم عن شخصيه اعرفها جيدا و الكل يشوفها مو صاحيه ويعاتبونك لو شرهتي عليها
الله لا يبلانا ببذائه اللسان و لا ردائة الازواج
في الف رد ورد على اللي تستخدم هالاسلوب بس هو يعتمد على مين تردين
احيانا المجلس ما يسمح بالرد المناسب
واحيانا تكون هالانسانه اوضع من ان يرد عليها
عموما في مجتمعي ما احد يستخدم هالالفاظ الحمدلله
و اللي تستخدمها غالبا انسانه معروفه انها سفيهه .. بصراحه اتكلم عن شخصيه اعرفها جيدا و الكل يشوفها مو صاحيه ويعاتبونك لو شرهتي عليها
الله لا يبلانا ببذائه اللسان و لا ردائة الازواج
ماشاء الله عليك مع انك متزوجة بس حسيتي بمعاناة خواتك المتاخرات والي البعض يحسبنا نبالغ فيها !
هالكلمه تنتهي لاكان مجتمعك كله واعي ومتعلم واذا مو متعلم اقلها يتحلى باخلاق حميده
الاحسسساس نعمه ومنه انك تحس بغيرك الي مايحس هذا انسان متبلد حس الله يشفيه ويرفع عنه
برضه الذووق معدوم عند البعض وتحسب ان الذوق بس بلبس !!
والذوق مفهمومه اكبر واشمل من كذا ومنها الذووق في اختيار الكلام الائق الموزون
بالنسبه للي تتعمد تجرح المتاخرات هذي مسكينه اما تغار او تعاني من نقص بحياتها وتحاول ترفع من نفسها ع حساب المتاخره
بالنهاية الله يمهل ولايهمل فالله الي زوجها قادر يطلقها او يكتب بناتها متاخرات
ودينا الحنيف حذر من الشماته باخيك المسلم لكن ماش فيه ناس احساسها معدوم
الله يصلح حالنا وحالهم ويشغلهم بانفسهم عنا ويعوض المتاخرات خير عن كل جرح شافوه بحياتهم
هالكلمه تنتهي لاكان مجتمعك كله واعي ومتعلم واذا مو متعلم اقلها يتحلى باخلاق حميده
الاحسسساس نعمه ومنه انك تحس بغيرك الي مايحس هذا انسان متبلد حس الله يشفيه ويرفع عنه
برضه الذووق معدوم عند البعض وتحسب ان الذوق بس بلبس !!
والذوق مفهمومه اكبر واشمل من كذا ومنها الذووق في اختيار الكلام الائق الموزون
بالنسبه للي تتعمد تجرح المتاخرات هذي مسكينه اما تغار او تعاني من نقص بحياتها وتحاول ترفع من نفسها ع حساب المتاخره
بالنهاية الله يمهل ولايهمل فالله الي زوجها قادر يطلقها او يكتب بناتها متاخرات
ودينا الحنيف حذر من الشماته باخيك المسلم لكن ماش فيه ناس احساسها معدوم
الله يصلح حالنا وحالهم ويشغلهم بانفسهم عنا ويعوض المتاخرات خير عن كل جرح شافوه بحياتهم
الصفحة الأخيرة