متى تخلي ابنك يشتري الاغراض من البقالة ؟

ذكرتيني في أيام مضت

أنا أمي من النوع إللي تخاف علينا حيلفما تخليني أسير الدكان إللي مع الخدامة أو أخوي إللي أكبر عني بـ 4 سنوات
لكني مشاكسه فمره شردت من البيت وسرت البقالة لأني كبيرة في نظري ... وكنت أول أو ثاني ابتدائي

سألني راعي الدكان وهو هندي من كيرلا ..... منو معاج جاي ؟؟؟
قلت له مافي أحد .... لأني كبيرة
فقال لي بالحرف الواحد وبالعربي المكسر

إنتي كبيرة ....بس ناس داخل شارع مافي زين .... يمكن واحد ياخذ إنت .... ويودي إنتي مكان بعيد بعدين قول خلي بابا يجيب فلوس لأن هذا نفر حرامي ... بعدين إنتي شو بيسوي .... بابا ماما شو يسوي؟؟؟

يمكن في نفر مجنون .... سوق سيارة بسرعة .... يدعم إنتي ... بعدين مافي فايده ... إنتي داخل مستشفى ما يقدر يلعب ... بابا ماما يصيح ... بعدين شو يسوي؟؟؟

يمكن في بيبي داخل سكة مافي زين ... يشوف إنتي يشتري حلاوة ... يضرب إنتي وياخذ حلاوة مالج ...إنتي واحد نفر ... هو كثير نفر ... مافي فايده

وبعدها قالي إذا يريد شي ومافي حد يجيب إنتي دكان ... سوي تلفون أنا يجيب حق إنتي
و قفل دكانه ووصلني لين البيت ... ودق الجرس ... وسلمني في يد أمي ... وخبر علي أمي ...
ومن يومها أمي مخلتني تحت المراقبة :)

بس كنت دايماً أذكر كلامه ... واقتنعت ... ومن يومها ما كنت أسير الدكان بروحي

الله يذكره بالخير ... لأنه هو واخوانه كانوا ومازلوا ناس شرفاء وأمناء
الله يوفقهم إن شاء الله دنيا وآخرة
وأتمنى تكونين استفدتي من قصتي

احس قبل عشر سنين خطأ انه يطلع بروحه

نهائي ليس في اي عمر

خطر اذا اراد شئ نروح السوبرماركت غيره لاء

والله ماتوقع بخليهم لو شيسوون وفي عمر الست والسبع مايفهمون معنى الرجوله فهميه انه رجل صغير ولما يصير كبير قد ابوه بيطلع بروحه

والله يا اختي ،،فهميه ان مو الرجولة انه يروح للبقالة لحاله..
الشي هاذا شيليه من راسك نهااائيا..

يبي شي ، يروح معه ابوه وياخذ الي يبي.

الدنيا تخوف ومعد فيها امان..

بعدين صااار ناااااادر جدا انك تشوفين اطفال رايحين البقاله لحالهم..
يا ابوهم معها ..
او يتقضون لهم من السوبر ماركت الي يبون..
مافيه حاجة اني يروح لحاله..

شيليها من راسك ،،وشيلها من راس ولدك..