انا اول ما تزوجت كنت اروح بشكل يومي تقريبا.. بعدها صرنا نروح كل يومين او ثلاث ايام.. بعدين صارت لخبطة مرات نروح يوميا و مرات يمر اسبوع (مو اكثر) و ما نروح.. فقررت اني احدد يوم في الاسبوع نروح لهم فيه مهما كانت ظروفنا.. و بالفعل التزمنا و كنت اجهز غدا كامل و حلا لبعد الغدا.. و عموما انا من اول كنت ما اروح لهم و يدي فاضية.. كنت طبعا حاطة خطة انه لما يصير عندي اولاد تزيد الزيارات و اخليها مرتين في الاسبوع الى 3 مرات عشان الاطفال يتعرفون على اهلهم و يتربون في جو عائلي.. خاصة اني تزوجت في غير بلدي و اهل زوجي كانوا اهلي الوحيدين..

طبعا من اول ما تزوجت ام زوجي و اخته الكبيرة كانوا يسببون لي مشاكل وااايد..من تنغيز و همز و لمز و احيانا اهانات مباشرة و علنية.. اصلا حتى من قبل الزواج.. و انا كنت دايما التمس لهم العذر و احاول ارضيهم بشتى الطرق... لحد ما حملت.. و صار موقف كبير واايد من امه .. اهانتني اهانة كبيرررة... و السبب ليومكم ما حد يعرفه.. و كان موقفها عبارة عن ردة فعل لانها كانت مريضة و يومها كنت رايحة اتغدى في بيتهم و خذت غداي و رحت اتغدى معاها في غرفتها عشان لا تكون بروحها و حتى للحين اذكر اني قلت لها.. ما هان علي تتغدين بروحج و قلت اجي اتغدى معاج... و ما اشوف الا السب و الشتم منها و اخر شيء هددتني اني باشوف منها شيء ما قط شفته في عمري !!.. طبعا من هول الصدمة سكت سكوووت تام و خليت اليوم يمر على خير.. طلعت من بيتها و حسيت من يومها انه فيه شيء كبير كبير انكسر بيني و بينها و قلت لزوجي كل اللي كانت تسويه هي و اختك كوم و هالموقف كوم ثاني و لو ما اعتذرت ما لي دخله بيت اهلك.. و زوجي كان متفشل و منحرج لان كل البيت سمعها و هي تزفني..!! و قال لي حقج..

مرت الايام و هي كل يوم تتصل تعالوا.. و زوجي يقول ما تدخل زوجتي الا لما تعتذرين.. و هي تسب و تشتم في!! و انا مصدومة منها.. عقب خزيت الشيطان و قمت اروح.. و عادي و لا كأن شيء صار.. بس كنت احس انه فيه حاجز كبير بيني و بينهم..

و عقب ما ولدت طاحت اقنعة زيادة.. و ابتعدت اكثر.. قمت اطرش ولدي لهم مع ابوه و هو عمره شهر او شهرين بس.. و بديت اخفف زياراتي بشكل كبير.. كنت اروح اتغدى او اتعشى بس صارت هالروحات نادرة... عقبها توفت امي الله يرحمها..و موقفهم كان غريب.. و جرحني اكثر و اكثر.. و ابتعدت اكثر و اكثر عنهم.. زياراتي صارت ما تتجاوز خمس دقايق سلام سريع من على الباب... و عقبها صارت مشكلة كبيرة جدا جدا و اكتشفت للاسف انه عيلته كلها كانت حاقدة علي و كارهتني.. ابتعدت تماما و انقطعت عنهم كلهم .. صار لي سنة على هالحال..

تتوقعون ندمانة؟؟؟ طبعاااا لاااااااااااااااااااااا ...:)

بس ندمت اني ما اتخذت هالقرار من البداية... رجعت لي حياتي و انا و زوجي صرنا اسعد بمعنى الكلمة ما شاء الله لا قوة الا بالله.. زوجي و ولدي يروحون عندهم دايما.. مرتين الى 3 مرات في الاسبوع.. و الحمد لله انا و زوجي راضين بهالحال و فرحانين..هو فرحان مع اهله.. و انا فرحانة مع نفسي و صديقاتي..

اهم شيء اني صرت لا ضاق صدري في البيت.. اطلع مع ناس اعرف اني لما باطلع معاهم بيوسعون صدري.. نقعد قعدات حلوة كلها ضحك و فرفشة..ما فيها لا همز و لا لمز و لاتنغيز... و لما ارجع البيت اكون فرحااانة و مرتاحة عكس قبل تماما.. ما كان فيه زيارة تمر لبيت اهل زوجي بدون ما ارجع بعدها بدموع و حسرة و قهر من كلمة و الا من موقف ..

و على فكرة اهل زوجي الحين بيموتون موووت على ما ارجع اكلمهم و ارجع علاقتي فيهم نفس قبل.. بس انا مو حابة.. و لا حتى زوجي.. و حتى لو نويت في يوم انه العلاقة ترجع.. ما راح اخليها تتجاوز السلام و بسسسسسسس....حتى سؤال عن الحال ما اظن اسأل اخاف يقولون تتدخل فينا خخخخخخ

الحمدلله على كل حال يا رب...

سامحوني على الاطالة حبيباتي... بس حبيت ان ردي يبين للبنات اللي يظنون انه زوجات الابناء ظالمين اهل الزوج انه في زوجات ابناء لما يتزوجون يعاملون اهل زوجهم مثل الاهل.. و يسوون المستحيل عشان يقربون منهم .. بس مو كل اهل زوج يبون زوجات عيالهم قريبين منهم..

و موفقين يا رب...

ان شاء دعوتك تنرد عليك

اما انا زيارتي بالصيفية يعني شهر كامل اف طلعة زي الناس مانطلع لما كنا نروح لهم طبعا
الاجواء تكون برد روووعة بالصيفية
تخليوا طول ما حنا طالعين تشتغل التلفونات تعالوا قبل المغرب
واذا قلنا بتاخر قالوا لازم تجون نبي خبز ولبن
واذا جينا اكتشف ان اخوانه كلهم بالبيت بس اعذار علشان يطفشونا
هذا غير الدق بالكلام ونقل الكلام والفتن
و2 من حريم اخوانه ساكنينين معهم كل وحده لها دور
بس تعالي شوفي كيد النساء اف من جد شي يكره الواحد حياته
وانا اول ماتزوجت كنت على نياتي احسب كل الناس زي امي وابوي
ياليت احد عطاني كف وصحاني من الحلم اللي كنت عايشة فيه
والله اني اشيل هم الروحة لهم احيانا قبلها بـ 4 شهور تجيني حالة قلق منهم
الله يسامحهم ويبعد كيدهم عني

اول شي انا جديده بالمنتدى وهذا اول موضوع ارد عليه

انا اهل زوجي بالبدايه حطيتهم على راسي وعاملتهم مثل اهلي بالتمام

لدرجة كنت ابوس يدين امه وابوه يعني مثل امي وابوي

بس مع الوقت عرفت انو مايستاهلون هالمعامله ويبون يتحكمون فيني

لدرجة انو لما جبت ولدي هم اللي سموه تخيلوا

انا هنا زعلت منهم مره لانهم يعاملوني كاني ملك لهم وهم يتصرفوا فيني متل مابدهم

اخذت موقف منهم وطبعا مضايقاتهم كانت كثيره وانا اسكت حتى مااقول لزوجي

الين طفح الكيييييييييييييييل


قلت لزوجي انا ماعاد اروح معك عندهم طبعا هم بمدينه واحنا بمدينه الحمدلله

بالبدايه زوجي عارض وزعل بس انا اصريت وجلست سنتين مارحت لهم

وربي صاروا شايليني شيل وتعالوا شوفوا التلفونات مشتاقينلك ومشتاقين للعيال

لاتطولوا علينا وانا خاصرتهم لدرجة انو حملت وولدت وماشافوني الا لما صار عمر بنتي

سنه وشهرين وانا الحين مرتاحه جدا وزوجي مخليني براحتي لانه عارفهم

يعني لامعي ولامعهم

والحين في الصيفيه بنروح لهم الله يعين طبعا انا صرت رسميه معهم وهذا الشي نفع معهم

انا ازورهم في الاسبوع مرتين او ثلاثة

مرة ايدي فاضيةة ومرة اطبخ طبخة واخذها معي

وانا اعترض الي تقول
اهل زوج يسببون مشاكل

والله حرام ها الحكي

شوفوا يابنات انا من وجهة نظري ان الوحدة تبدا بداية كويسة يعني لاافراط ولاتفريط ومع الوقت رح تعرف وش الاسلوب الافضل
بعد مو حلوة الوحدة بعد الزيارات الكثيرة والاسبوعية تقطع الموضوع الى اشهر.........( علمي نفسك خخخخخخخخ

مثلا انا عن نفسي كنت اروح كثير بالاسبوع مرتين اوثلاث طبعا لان ابو الشباب عايز كذا
بعد سنوات اكتشفت امور كثيرة ومرت مواقف اتعبتني بصراحة فقررت اخفف الزيارات الى مرة او مرتين ف الشهر
اللي لاحظته من خلال تجربتي - طيعا الكلام خاص فيني انا ومااعمم -هو:
كثرة الزيارات تطيح الميانة وتسمعين كلام يجرح من اصغر بزر حتى
يصير اللي تسوينه كنه فرض عليك مو تفضل ورقي منك وتختفي كلمات الشكر والعرفان لا واذا كررتي الحلا قال غيري خخخخخخ
مع كل اللي تسوينه فيه امور تدار عنك بالخفاء ولايخبرونك فيها يعني لاتحسبين نفسك صرتي وحدة منهم >>>> احلمي
لايذكر لك المواقف المشرفة .. يعني مافيه تقدير للي تسوينه .
كل هالامور خلتني ابعد فحسيت اني ارتحت ... والحمدلله على كل حال
شكرا لصاحبة الموضوع